isiXhosaisiXhosa SetswanaSetswana

Amaphupho ngamagundwane

Ukuphupha amagundwane kungasho ukuthi uzongenelwa izigebengu noma kunesifo esingahle sivele emndenini. Ukuphupha ubulala igundwane kungasho ukuthi uzoba namaqhinga okunqoba ubunzima obhekene nabo. Futhi kungasho ukuthi uzophumelela unqobe izitha nezinqinamba empilweni.

Ukuphupha igundane elimhlophe kungasho ukuthi unenhlanhla yemali, yebhizinisi noma yomsebenzi. Ukuphupha ubamba igundwane lokho kungasho ukuthi uzothola into eligugu noma uzowina uma ungumuntu ogembulayo.

Uma ushadile uphupha igundwane elimhlophe kungasho inhlalonhle emzini, ukuphupha igundwane lisendlini khona kungabika izinkinga ekhaya.

Ukuphupha igundwane elimnyama kungasho amaxoki nabantu abayizitha. Ukuphupha igundwane lingena endlini kungasho ukuthi kubantu abasondelene nawe obethembayo kunexoki.

Ukuphupha igundwane elikhulu noma amagundwane amaningi kungasho ukuthi ukhungethwe izinkinga ezingaphezu kwamandla akho. Ukuphupha amagundwane amancane amaningi kungasho ukwanda kwezinkinga.

Leave a Reply