isiXhosa
Amaphupho ngemifino
Asho ukuthini amaphupho amayelana nemifino? Lokhu kuhlanganisa ubhontshisi, iklabishi, izaqathe, ummbila, imifino, ogalonci, u-anyanisi, uphizi, amazambane notamatisi.
Imifino
Amaphupho ngotamatisi
Uma uphupha udla utamatisi kusho ukuthi kungenzeka kudingeke usebenze kanzima kodwa uyowuthola umvuzo wezithukuthuku zakho.
Amaphupho ngophizi
Uma uphupha udla uphizi oluhlaza osemusha kusho ukuthi uzoba nenhlanhla. Uma uphupha ngophizi owomile kusho ukuthi ezezimali zakho zingaba senkingeni.
Amaphupho ngo-anyanisi
Uma uphupha udla u-anyanisi kuyisibusiso esingesibusiso. Kusho ukuthi uzoba nomlingani othembekile kodwa kungenzeka nilwe izikhathi eziningi.
Amaphupho ngogalonci
Uma uphupha udla ogalonci kusho ukuthi uzohlaselwa yizikhathi ezinzima kungekudala.
Amaphupho ngemifino
Uma uphupha udla imifino kusho ukuthi uzoba nenhlanhla. Amaphupho ngezitshalo.
Amaphupho ngommbila / ngombila
Uma uphupha udla ummbila, noma umbila, kusho ukuthi uzoceba futhi ujabule empilweni. Uma kunganele ukuthi wonke umuntu adle nokho kusho ukuthi uzobhekana nobunzima.
Amaphupho ngezaqathe
Uma uphupha udla izaqathe kusho ukuthi uzochuma futhi ucebe.
Amaphupho ngeklabishi
Uma uphupha udla iklabishi kusho ukuthi uzoba nempilo ende ejabulisayo.
Amaphupho ngobhontshisi
Uma uphupha udla ubhontshisi kusho ukuthi kungekudala uzohlangabezana nesiphithiphithi esizokubangela inkinga. Kodwa-ke kungasho ingcebo nenhlanhla uma ubhontshisi umningi kakhulu.
Amaphupho ngekhabe
Uma uphupha udla ikhabe kusho ukuthi noma ikuphi ukugula okukuphethe kuzoba ngcono.
Amaphupho ngokolo
Uma uphupha ukuthi ubona ukolo kusho ukuthi ibhizinisi lakho lizothuthuka futhi uzothola zonke izinto ozithandayo.