Umlando wesibongo sakwa Ntuli

Abantu bakwaNtuli baziwa njengaMabhele. Batholakala endaweni engaphansi kwentaba iLenge ngaseMhlumayo, eMnambithi. Baziwa kakhulu ngokuthi uma befunga bathi “ngiwafunge aMabhele eseLenge!” Amanye aMabhele atholakala ngaseNtabeni yaseNkuzi ngenhla nomfula iNdaka ngaseWashibhange. Kuthiwa langa limbe iNkosi uShaka izipholele ngaphansi komthunzi nenduna yayo kwabonakala ngefu lothuli liza ngakubona. Kuthiwa kwakukhona amadoda, abantu besifazane nezingane. Kuthiwa bathi uma befika ngasemfuleni uThukela iNkosi uShaka yababuza ukuthi babalekani bathi babaleka amazimuzimu. Kuthiwa iNkosi yayalela induna yayo eyayihleli nayo uMaphitha kaSithole ukuthi akahambe ayohlala nalabobantu ngaphansi kwentaba iLenge abagade bangadliwa amazimuzimu.

Kuthiwa iNkosi uShaka yabahlalisa ngaphansi kukaZihlandlo kaGcwabe Mkhize, endaweni yaseNkandla. Bafika eNkandla babizwa ngokuthi ngabakwaNtuli ngoba kwabonakala izintuli zishunqa bebalekela amazimuzimu. Bahlalisana kahle nabantu baseMbo kwaze kwavela uNdlela indodana kaSompisi Ntuli. UNdlela wayehlakaniphe kakhulu waze wenziwa uNdunankulu kaZulu ngesikhathi kubusa uDingane kaSenzangakhona. UNdlela kaSompisi wasindisa uMpande ngesikhathi uDingane efuna ukumbulala ukuze athathe ubukhosi, kuthiwa uDingane wapha uMpande izinkomo eziyi 100 ngoba wayazi ukuthi uzohamba ayombonga. USompisi waxwayisa uMpande ukuthi angayi kuDingane ngoba uzombulala. UNdlela wagcina ebulewe uDingane ngoba eseka uMpande. Ngemuva kokubulawa kukaNdlela aMabhele eNkandla abuswa uGodide inkosana yakhe. UGodide wazala uMangati kwathi enye indodana kaNdlela uMavumengwana yena wazakhela ugazi ezikhulwini zezwe ngoba wayekhuthele kakhulu.

UMavumengwana wayeyibutho futhi engumngani omkhulu weSilo uCetshwayo. Ngenxa yobuqotho bakhe izikhulu zamsikele izwe ukusuka eNtumeni, eShowe kwaze kwagcina oThukela. Ufike khona wakha umuzi wawubiza ngokuthi kukwaNhliziyonde. UGodide, uMavumengwana kanye noZinti bakaNdlela Ntuli balwe izimpi zikaCetshwayo. UMavumengwana uzale uMfungelwa ozale uGqokinsimbi ozale uMzungezi ozale uS’thembiso obusayo njengamanje oYaya naseMbongolwane, eShowe. Obunye ubukhosi bakwaNtuli bukwaMkhonto, KwaNgoni endaweni yaKwaMaphumulo. Amanye aMabhele atholakala ogwini oluseNingizimu neKwaZulu Natal. Abantu bakwaKhuboni bayingxenye yaMabhele. Bakhona nabanye abasesifundazweni saseMpumalanga KwaGuqa eWitbank ngoba uGuqa kwakungesinye sezibonda zakwaNtuli. Abantu bawela umfula uMzimvubu bakhelene nezizwe zamaXesibe eMpumalanga Kapa.

Izithakazelo zakwaNtuli

Mphemba!
Nin’ eniphemba ngamabele
Abafokazana bephemba ngezibi!
Sompisi!
Bhel’ elikhulu!
Khuboni!
Godide!

21 thoughts on “Umlando wesibongo sakwa Ntuli”

  1. Mina ngizalwa ngumas’thole kanye noNtuli…mina emumva kokufunda lomlando kuyintokozo enkulu futhi ngoba ngizalwa eskhathini samanje mina ngifunde likhulu

    Reply
    • Ngiyabonga ngencazelo nezithakazelo ngaMabhele, ngicela ulwazi la ngoKhulu uGwivana/ uGovana kwaba kwaNtuli uvela kuyiphi indawo uMnambithi noma iLenge?:

      Reply
    • Empeleni abantu bakwaNtuli bafike kwaZulu kubusa iSilo saseSiklebheni uSenzangakhona kaJama uSompisi waze wethiwa ibizo lokuthi uNkobe ngoba wayengekho no lokuzibheka zivuthwe tubu iSilo uSenzangakhona waze waganwa I ndodakazi kaSompisi uBhibhi owamzalela uSigujana owathatha isihlalo sobukhosi ngokukhothama kweSilo uSenzangakhona losi Gujana wabulawa wuNgwadi ngoyalelo weSilo uShaka nomntwana uMkabayi abantu bakwaNtuli uShaka wabafica bekhona kwaZulu esuka kwaMthethwa kodwa ke kuliqiniso ukuthi amanye aMabhele ayesele eNtabeni iLenge yiwoke lawa ayegadwe uMaphiths wakwa Sithole umndeni kaSompisi yiwona owehla ngesikhathi sokubusa kukaSenzangakhona ukuthi Ntuli banqanjwa uSenzangakhona hhayi iLembe qha

      Reply
      • Nakho ke okuyiqiniso esikwaziyo amaBhele awafikelanga kwaBulawayo noma kwaDukuza kwiSilo uShaka kodwa afikela kuNgelengele kalingani nandaba uSenzangakhona kaJama kwaze waganwa uBhibhi kaSompisi udadewabo kaNdlela owazala uSgujana owaba Nkosi emumva kwelanga eliphume linsizwa lathi liphezulu lansasa uSenzangakhona .USgujana kaSenzangakhona wabulawa iLembe lizothatha izintambo zokubusa KwaZulu

        Reply
      • Siyabonga kakhulu ukusikhanyisela umlando wamaphemba. Engicela ukubuza, abakwaGuqa oNtuli baphuma kwiliphi igatsha lakwaNtuli?

        Reply
      • Ngicela ukubuza ukuthi nenziwa yini menixoca umlando wakwaNtuli weekly KaSompisi niwuqale sekubusa iNkosi uShaka. Ngoba empeleni thina bakwaNtuli asifikanga KwaZulu kubusa inkosi uShaka safika kubusa mukhulu wakhe iNkosi uJama kaNdaba. Ngisho uyise weLembe uSenzangakhona wayesawumfana wezinkomo.

        Reply
        • Kunjalo impela Mbhele,
          Usompisi waze waziwa ngelika Nkobe nje ngoba wayephekela inkosi uJama…
          ey bayaw’xova umlando ay ngeke…Kanti okunye amaBhele adabuka khona eLenge. akulona iqiniso ukuthi baphelezelwa uMaphitha kaSthole ukuyobahlalisa eLenge…ingani basuka khona nje… Ay cha! Kahleni bakwethu

          Reply
        • Akengibuze lapho yini abantu bakantuli sibathole ngisho emampondweni? Lento ihlangana kanjn ngoba ngithi labantu badabuka kwazulu

          Reply
    • Siyambonga ngomlando wamabhele muziwakwethu , koda mina bengicela uhlanganiswe lomlando oyizinhlobonhlobo ube yinto eyodwa ukuze sibe yisizwe esibumbene.

      Reply
      • Sonke siyabonga uma kuhamba kahle ukucobelelana ngolwazi. Nawe phela awoke usithi phohlo ngamanoni omlando wakwenu ngendlela wena owazi ngayo. Izigodi ziyashiyana.Siyabonga Godide! Mphemba! Ndlela kaSompisi! Umuntu akaqedwa, nazi izithakazelo zakho zakwaNtuli usuyoqhubeka nokuzifundela: https://iafrika.org/izithakazelo-zakwantuli/

        Reply
  2. Umlando wakwa Mbotho
    kuthiwa oMbotho baphuma emaTolweni emkhomazi babezalwa intombi yakhona eyabe inisa imvula,leyontombazane igama layo akuqisekiswa ngalo kodwa kuthiwa kwakuMyalwana,omfawabo engu Myalo,base bephuma kwamTolo baqala ubukhosi babo phesheya noMzimkulu,noMtamvuna,abanye bathi oMbotho babaleka kwamfokeng ngoba ndoda thile yazala ingane iphethe ikhubalo lemvula,lengani yabe iyintombazana lendoda yaze yangenisa kwaMtolo emkhomazi yase ithola umfana olama intombazana yabizwa ngoMbotho ngoba yayingalukhumi kahle ulimi lwesinguni,ingakwaz ukubiza umuntu,ithi motho,
    yahlala kwaMtolo baganwa abantwana bayo,amaTolo abone kukuhle kuth intombi igane kwaMtolo,base bhekhishwa bonke abakwa Mbotho kwathiwa oMtshikilana,,basebeyalwa ukuth bangake balinge bazibize ngamaTo.
    Ingakho ke kwathiwa amaYalo ayalwa ukuthi bangazibizi ngamaTolo,inzalo yemvula iyona eyaba amakhosi esizwe semvula,bathi umbethe abayibizi kuthi imvula,basuka ke kwaMtolo bayozinza ngase Hluku.
    Indlu yomfana omncane iyona yayizinduna kuthi eyontombi ibengamakhosi,futhi iyona enisa imvula,,umuzi wentombi uwo wabizwa ngoMbotho amayalo,eyomfana yasala kwaMtolo ,ngokuhamba kwesikhathi nabo balandela abakwabo,bangoMbotho,
    amaMbotho aye abusa uMzimkulu,kodwa uma ufika uthi uyinkosi ayesuka akunike indawo.ukufika kwamaBhaca akwaZulu amaMbotho asuka ashiya amabhaca,
    abusa,inhlangwini yakhe endaweni yamaMbotho ,kwaFika inkosi yakwaNyuswa kubusa uSiyephu enza njalo amnika uMshiwa indawo,kwafika uZungu ngo 1960 inkosi yayibusa kwaMbotho wabanika ebashawu indawo ,kuthi akazimele
    amakhosi akwaMbotho
    akhunjulwayo
    Ngwenya(Mpula)
    Thitha kaMpula
    Chitho kaThitha
    Nciya kaChitho
    MLontshwa kaNciya
    Siyephu kaMlontshwa
    Marhelani ka Siyephe
    Mageba ka Marhelani
    Velela kaMageba
    kukhona amaMbotho aphuma ngenxa yemibango yemvula,nombango wobukhosi
    uMadiba wabanabafunayena kuthi angene endaweni kaChitho,wagcine ehluleka wasuka wayokwaya eMbizana ngase Casino Port edward manje,waqala obunye ubukhosi lapho bamaYalo,uNgcingwana yena waya ngakwaBhaca beno Nqgandu,amanye amaMbotho asala,kodwa ekufikeni kwabelungu baye bashiwa umhlaba wabo,baya elusikisiki ngaphansi kwaFaku,uFaku kuthiwa wathi ucela babezinduna zakhe kuba esaba imilingo yabo yokunisa,inkungu,nokugena nokudumisa izulu,nakanjalo
    abaMbotho alusa abantwana bakwaNyauza kuze kubenamhlanje
    azinze kumadolobha wonke asemaMpondwen,naseMqanduli akhona,
    izithakazelo zakwaMbotho(eHluku)
    Mbotho
    Mazama
    Mtshikilana weTolo
    sibasa manzini kuvuthe umlilo
    malandelwa inkrazanyana ithi ndizeke
    Mpula
    Nsindani
    abakwaJula
    Mbotho
    Tolo
    Dlangamandla
    Mtshikilana
    mazama
    malandelwa intombi ithi ndizeke
    Mdwanguba
    abakwaLangazana
    Gogela
    Tolo
    Mtshikilana
    sibasamanzini kuvuthe umlilo
    amakwaMjuqu(kwaBhaca kodwa babizwa ngamaZotsho/Mpondo emzimkhulu/montfrere/mount aylif
    Mjuqu
    Jileka
    Ngqiza
    matalankosi
    Mbotho
    Mtshikilana
    malandelwa into ithi ndizeke
    amaMbotho aseMthatha
    (Vuke,Mfeya,Nakani,Bango,Sitemele kuTsolo)
    Mbotho
    Mtshikilana
    Mazama
    Thoyana
    Fulela Mfazi kuyanetha
    malandelwa into ithi ndizeke
    onyawo zinensense
    eMontfrere
    (Ngcingwana,Mpitshana,,namaJuqu maningi)
    usiko Mpilo lwakwaMbotho
    amaMbotho abendiselana wodwa,ayeke ukufika kwaManyuswa,uganwa kwenye indlu yakwaMbotho ,nakwaMadiba bekwenizwa njalo uPhakathi no Madiba behlukaniswa kodwa bonke ngoMbotho kuba babengafuni ukuganiselana nezizwe zamaMpondo
    kuthiwa lokhu indlela yaBafukeni,uganwe ekhaya,okunye abaFokenga lapho abakha khona kuba neMvula (Pula) kanye namaMbotho kubanjalo,kubese kuyanotha kuleyondawo,,abafokeng kwatholwa iplatinum ePort edward kwatholwa iGold,eHluku kwatholwa Ilitshe elimnyama,,okunye isilwane sakwa Mfokeng ingwenya evale umlomo eyakwaMbotho iNgwenya ekhafula umlilo,abafokeng baselusuthu bona uNogwaja
    ubukhosi
    amaMbotho akakuthandi ubukhosi ize emaningi emampondwen,kodwa ayengabufuni ubukhosi kuze kube imanje akwazani nokuphatha abantu,bakhonze ukulapha,bazinyanga,oNyauza baqiniswa kwaMbotho,nentombi zabo zaziganiswa ngoMbotho
    ilento kuthiwa oMbotho bahlangene nabaFokeng ngenxa yomaya wabo ophansi,njengabafokeng,banika uMoshoshoe ubukhosi,kodwa kungabo abaningi kuleyo ndawo
    Noma bayazalwa noma bafika kwaMtolo basuke kwaMtolo baqala uMbotho
    igama elithi Mpula lihambisana neMvula Pula amaMbotho ahlonishwa ngayo
    oMyalo noMyalwana
    omahlamvu ayamila kusehlontsheni
    omalala nentombi ithi ndizeke
    Mtshikilana

    Reply

Leave a Reply