isiXhosa
Okuqukethwe
- Isizathu sokuhlawulela ingane
- Okulindelekile njengenhlawulo
- Umphumela olethwa wukukhokha inhlawulo
- Ushintsho oselukhona kulolusiko lokuhlawulela ingane
Isizathu sokuhlawulela ingane
Uma owesifazane ekhuleliswe ngowesilisa bengashadile, owesilisa kuyaye kumele enze inkokhelo ahlawula ngayo ukushweleza ngalesosimo esesenzekile. Lena indlela akhombisa ngayo ukuxolisa kanye nokuvuma icala lokungena esibayeni senye indoda ngaphandle kokukhokha amalobolo kuqala, futhi exolisa ngokuthela umuzi waleyo ndoda ngehlazo.
Okulindelekile njengenhlawulo
Zine izinto ezilindelekile njengenhlawulo. Owesilisa kumele akhokhe inkomo kababa ngokona isibaya sakhe ngaphandle kwemvume, aphinde futhi akhokhe imbuzi ebhekela ukugeza izintombi zakulowo muzi ngokuzifaka ehlazweni. Kuba khona futhi notshwala besintu kanye namahewu okubhekela ukuhlisa ilukuluku emakhehleni nasezalukazini zakuleso sibongo. Konke lokhu kulethwa ngabantu abadala bakubo kwalowo wesilisa owonile, kodwa yena umaqondana okhulelisile akufuneki abekhona.
Umphumela olethwa wukukhokha inhlawulo
Ngaphandle kwenhlawulo owesilisa okhulelise ngaphandle komshado akabi nakho ukukhululeka neqholo lokubona ingane yakhe uma isizelwe, kumbe nokubona lowo wesifazane amkhulelisiwe, kanti futhi uma behlala endaweni eyodwa nakhona lona wesilisa uba nyamana mbana. Konke lokhu akwenzeki uma owesilisa ehlawulile, uyakhululeka ekhaya lapho one khona kanye nasendaweni yonke.
Ushintsho oselukhona kulolusiko lokuhlawulela ingane
Phakathi kwabantu besizwe samaZulu ukuhamba kwesikhathi sekulethe ushintsho kumasiko afaka ukukhokha phakathi, esingabala kuwo ukuhlawulela ingane, ukubikwa kwesisu, ukulobola ingane, ukulobola umuntu wesifazane kanye namanye. Phambilini bekuba yizinkomo kanye nezimbuzi eziphilayo okukhokhwa ngazo kepha namhlanje sekukhokhwa nangemali. Emandulo lapho bekudingeka kulethwe khona utshwala besiZulu noma amahewu, namhlanje sekulethwa ikesi likabhiya kanye nelikadilinki.
Ngcel ukubuza uma ngyohlawula ingane kumele yin ngigaye utshwala basiZulu ngibike
Ngicela ukubuza ingane ihlawulwa ngezinkomo ezingaki
ngicela ukubuza ingane yokuqala yentombazane ihlawulwa ngezinkomo ezingaki uma abakubo sebefuna ukuyoyenzela amasiko
Cofa lapha ukuthola impendulo Ukulobola ingane
Ngicela ukubuza kuthi imbuzi emnyama ivumelekile uma ihlawulwa
Cofa lapha ukuthola impendulo Inhlawulo
Yini elindeleke ngiyenze uma ngitohlawulela ingane
Cofa lapha ukuthola impendulo Ukulobola ingane
Ngicela ukubuza ukuthi Uma umuntu ekhulelwa ingane yesibili engaka hlawulwa neyokuqala ziba ngakhi izinkomo
Cofa lapha uthole impendulo, https://iafrika.org/?s=ukuhlawula+
Ngicela ukubuza uma ngihlawulwa ingane yesibili yakwesinye isibongo kumele ngilandele emiphi imigomo
Cofa lapha ukuthola impenduloUkulobola ingane
Zingaphi inkomo zenhlawulo yengane?
Yisiphi isikhathi esifanele sokuhlawula Ingane. Uma esakhulelwe noma bese kunengane
Ngcela ukubuza , kuye kuhamba kanjani ukuhlawulela umuntu ongasekho umntwana/abantwana asebengaphezulu kuka 30 weminyaka?
Ngcela ukubuza ukuthi Uma umaqondana ekufice unenye ingane ekungayona yakhe. Akumele yini azohlawulela ingane yakhe? Sengisho ukuthi umuntu wesfazane oficwe enezingane uyahlawulelwa noma qha?
Cofa lapha ukuthola impendulo Ukulobola ingane
Ngicela ukubuza, kuyenzeka yini ukuthi ingane ezalelwe ekhaya ithi uma isigcagcelwe bese umalume ayikhiphe inxiwa ngesilwane athi ayakhe umuzi wakubo nakhona kubo ezalwa khona bayamukele ngesilwane, nokuthi umakoti uyathelwa kabili ngenyongo njenganalokhu ezobe esengena komunye umndeni