Igama lomuntu liba nencazelo akujwayele ukuba yigama nje. Umntwana engethiwa igama kususelwa esenzeni nasezifisweni zabazali, esimweni azalelwe phansi kwaso njalonjalo.
Ngamafuphi nje, ngokuchaza kukasolwazi uNobuhle Ndimande (2001), amagama anikwa abesizwe samaZulu esuselwa kuloku okulandelayo:
- Inkolo yobuKristu neyeSintu
Isib.: igama elithi Sahluko.
- Ukubaluleka kukamama noma ubaba emndenini
Isib.: Ntombikayise.
- Ukubaluleka komfana noma intombazane emndenini
Isib.: Makhosazane noma Sibonelo.
- Ukubaluleka kwesizwe namadlozi
Isib.: Zwelithini.
- Ukubaluleka kwesibongo noma isithakazelo
Isib.: Mthombeni
- Ubulili
Isib.: Mfanafuthi.
- Kususelwa emagameni ezilwane
Isib.: Manyosi.
- Isimo ngesikhathi umntwana ezalwa
Isib.: Langelihle.
- Ingxabano
Isib.: Gedleyihlekisa.
- Uthando
Isib.: Luthando.