Izaci ngokuphila nokuphilisa

Ukuya kwabanamehlo: Ukuya kuvumisa emagqirheni.
Akanawo nowempumlo: Uphile qete. Akaguli yinto, nangumkhuhlane lo wembala.
Akabikwa hlaba: Uphile qete.
Ukulalisa ikhokho: Ukuthuthuzela abantu abahlelwe yinto embi okanye elusizi, njengokufa.
Ukubopha inxeba: Ukuthuthuzela, ngakumbi umntu owehlelwe lilifu elimnyama.
Ukudla amazimba: Ukuphila.
Ukuzikhoth’ amanxeba: Ukuzithuthuzela kwintlungu onayo. Umzekelo: Akuzange kubekho namnye umntu ondivelelayo ndakwahlelwa seso sihelegu, ndancama ndazikhotha amanxeba.
Ukulalisa iziphunzi: Ukuthomalisa imeko yonxunguphalo ngokuthi unike inkonzo yentuthuzelo kwabo bakuloo meko.
Ukuthath’ iintonga: Ukuya egqirheni ngokuya kuvumisa.