Izaci ngokulumnkisa

Ikhaba alithenjwa: Lindela isiphumo sento ngaphambi kokuba uqiniseke ngayo. Ikhaba sisityalo sombona esiselula nesingekadubuli nokudubula, okanye esingekaphumi ntshatshoba.
Ukugqogqa iindlebe: Ukuxelelisisa umntu kuloo nto ufuna ayiqonde.
Ukungqiniba: Ukuvalela umntu ukuba angathathi nxaxheba kumcimbi oxovulwayo. Ukulumkisa umntu kwinto ebengayiqapheli ukuba inengxaki.
Ukufinyeza umbhinqo: Ukuphaphama, wenze izinto ezifanelekileyo ngexesha unako ukwenza oko. Umzekelo: UMpumelelo akaqhubanga kakuhle kwiimviwo zentwasahlobo. Kwakufuneka afinyez’ umbhinqo ukuba ujonge ukuphumelela ukuphela konyaka.
Ungachatshazelwa ligazi: Suka kwindawo enobungozi hleze ikuchaphazele. Musa ukungena into ezakuphendulisa ibe ingakufuni.
Vuka emaqandeni: Phaphama.
Ukuqoshelisa umsila: Ukunika ingqalelo kwinto oyenzayo ukuze ungaphoxeki kukungafezekiseki kwayo. Ukulumnka ukuze ungangeni engxakini.
Uyakuhlekwa naziintaka: Ukwenza into engafanelekanga nezakwenza uphoxeke de ubeyintlekisa nakuthathatha.
Wogawul’ ubheka: Ubokulumka xa usenza into hleze ikujikele.
Uyakumpela ung’ong’o: Uyakuphoxeka kuloo nto uzama ukuyenza.
Ukuvul’ amehlo: Ukulumkisa.
Ukuvundla: Ukuphaphama okanye ukulalela