Izaci ngokhuseleko nokuqaphela

Ukutyebis’ amehlo: Ukuzanezisa ngokuthi uyibone into.
Ukulola amehlo: Ukuqwalasela.
Ukuba liliso: Ukukhathalela into. Umzekelo: Melwane ndiza kukhe ndithi tshalala ngomso ndibuye sekuhlwile. Ndincede ubeliliso phaya endlwini kuba imigewu iyalana nokubona indlu ivaliwe.
Ukuba neliso elibukhali: Ukukwazi ukuqaphela into eyenzekayo. Umzekelo: Hayi ntanga awunakumqhatha uMjongile, uneliso elibukhali laa mfo. Ude aqaphele nale ubucing’ ukuba uyivalile kuye.
Ukuba neliso: Ukuba lichule ekuqapheleni into.
Ukujonga ngeliso lokhozi: Ukuqaphelisisa into.
Ukusa iso: Ukuqaphela.
Ukubeka esweni: Ukuqaphela into ukuze ingakuqubuli ungalindelanga.
Ukufaka ekhwapheni: Ukukhusela omnye umntu. Ukusondeza umntu ngeenjongo zokuba ungafuni afumane futhe elivela kwabany’ abantu.
Amahlath’ aphelile: Akusekhonto yakusithela. Amaqhinga abhaqekile.
Ukuba nelifu: Ukuba nabantu abaninzi abamkhuseleyo.