Ukuba uphupha usilwa notshaba lwakho okanye lukuqunusele, oku kunokuthetha ukuba ukutshisile. Kodwa ukuba uphupha umbetha de umoyise, uya kuba umoyisile kuzo zonke izenzo zakhe ezimbi kunye neenjongo zakhe. Ukuba uphupha usilwa nomntu okoyisayo, intsingiselo iya kukuxhomekeka kwisini salowo ulwa naye. Ukuba uyindoda woyisiwe ngumfazi okanye ungumfazi woyiswa yindoda, ulwa nesilwanyana somoya, kwaye isini sesilwanyana sichasene nalowo sithunyelwe kuye. Kodwa ukuba uphupha umoyisa loo mntu, ngoko sele uboyisile ebomini bokwenene. Abanye abantu banethamsanqa lokubona ukuba sisilwanyana esithunyiweyo kuba sitshintsha isimo saso, ngokungathi usibethe ephupheni sijike sibe ngumntwana wakho okanye isihlobo sakho. Ukuba uqhubeka uyibetha ibe sisilwanyana kwakhona. Ukuba uyibethe yafa, ngoko uphumelele kwaye ayisayi kuphinda ikukhathaze. Ungawasusa la maphupha ngokusebenzisa amayeza esintu okanye umthandazo ukuba ungumntu okholelwa emthandazweni.
