Amaphupha ngenyoka

Ukuphupha inyoka isenongabiyonto imnandi kwaphela, amaxesha amaninzi kunokuthetha ukuba kukho utshaba elukuzingelayo kwaye lusondele kakhulu apha kuwe. Kwaye kuxhomekeka nasekubeni yeyiphi inyoka oyiphuphileyo. Umzekelo, ukuba uphupha inyoka enkulu (i-Anaconda umzekelo), elo phupha limalunga nomntu omdala okanye ukhokho. 

Irhamba

Ukuphupha irhamba oko kungathetha ukuba kukho umntu uzenza isihlobo sakho ekukhohlisa, nto leyo ithetha ukuba umntu osondelelene naye yinyoka. Kwaye ukuba ungumntu ozalwa kwaJola ngokwesiduko, kukho inkolelo yokuba umaJola yinyoka yelakhaya. Zininzi ke izinto ezinokuvezwa kukuphupha inyoka kodwa ezi zilandelayo zezixhaphakileyo. Kungako kubalulekile ukuba udibane nosiyazi okanye umntu omdala akulawulele iphupha.

Inyoka yobugqwirha

Ukuphupha inyoka ekukholeleka ukuba yeyobugqwirha, eyinyoka emnyama enomqolo omhlophe, kuthetha ukuba kukho umntu oseqhingeni lokungcola ngomzi wakho okanye iwenu, loo mntu usebenzela ukuthumela laa nyoka ubuyiphupha ukuba ikuthakathe okanye inithakathe.

Kananjalo, ukuba uphupha ubona iinyoka, olo ingaluphawu lwebhadi kwikamva lakho, njengoko kungqinwa luhlobo lwenyoka eyenzelwe abantu abadala, into ethetha ukuba izinyanya zinomsindo ngawe kwaye umntu othile uyakukungcatsha, ingakumbi xa ithe yathetha inyoka leyo. Ngamanye amaxesha xa uphupha inyoka iphezu kokukuhlasela ze kuvele umntu kwakwelo phupha, loo nto ithetha ukuba lukhona utshaba olukuzungezayo ntonje amawenu akukhusele.

Ukuba uphupha ngeenyoka, kunokuba yinto embi kwikamva lakho. Kusenokuthetha ukuba ookhokho abonwabanga kuwe kwaye umntu angakungcatsha, ngakumbi ukuba inyoka iyakuluma.

Iintlobo ezahlukeneyo zeenyoka zinokuba nokutolikwa okwahlukileyo kumaphupha:

Inyoka (Inyoka Yookhokho)

Ukuba uphupha inyoka emdaka nomhlophe, kunokubonisa ukuba ookhokho bathumela umyalezo ukuba ulumke okanye ukuba inhlanhla isendleleni.

Inyoka eluhlaza

Ukuba uphupha inyoka enkulu eluhlaza, inokubonisa ukuba unotshaba oluzimisele ukukwenzakalisa, nkqu nakwintsapho yakho.

Mamba

Ukuba uphupha imamba, inokubonisa ukuba abantu bayahleba kwaye bathetha kakubi ngawe ngasemva kwakho.

Intlwathi

Ukuba uphupha intlwathi  ikucudisa, oko kunokuthetha ukuba ookhokho bazama ukunxibelelana nawe.