Izaci ngethemba

Ukujonga enkalweni: Ukulindela ukwenzeka kwento ingade yenzeke ngeli xesha uyilindele ngalo. Umzekelo: Kunini ndijong’ enkalweni ingade ifike incwadi endiyibhalelwe ngunyana wam.
Amehlo ajonge elundini: Ukulindela into ngenzondelelo.
Ukujonga ngamehl’ abomvu: Ukungxamela ukwenzeka kwento. Ukulindela ngamandla ukuba kwenzeke into. Ukuba nethemba elikhulu lokufumana into. Umzekelo: Kanti ke ndisijonge ngamehl’ abomvu isipho esivela kumntakwethu.
Sukuthetha ngekati esengxoweni: Sukuzithembisa ngento ongenayo. Sukuthembisa abantu ngento ongekabinayo esandleni osayithembileyo ukuba ingenzeka.
Ukubambelela engceni: Ukuthemba ilize.
Intonga esekhosi: Umntu othembele kuye kuzo zonke iimeko ojongene nazo.
Asidele bumnyama: Ungalahli themba.
Uboya abulali: Ndiyakrokra.
Ukubambelela enkangeni: Ukuthemba ilize,