Izaci ngonyanzelisa okanye ukugunyazisa

Akacengi ndolala phi: Ukulandelela into, ngentetha, nokuba izakukhokelela ekubeni ungathandwa nguloo mntu uyilandelela kuye.
Ukuphek’ usophula: Ukunganiki thuba lokuphumla xa ufuna into. Umzekelo: Ndibe ngamphendula wabe endiphek’ endophula ngemibuzo.
Ukuphathel’ imbengwana: Ukulandelela. Ukutshutshisa umntu ukuba enze le nto kumelwe ukuba ayenze.
Ukumela ngemva: Ukutshutshisa umntu ukuba enze into ekufuneka eyenzile.
Ukomba umntu: Ukulandelela umntu ngento angayenziyo ebethembise ukuba uzakuyenza.
Ukubamba ngesixhanti: Ukunyanzela ukuba umntu enze into ofuna ayenze.