Izaci ngokuphumla nokulala

Ukubeka amathambo: Ukulala.
Ukuphumza amathambo: Ukuphumla.
Ukungabinawo nasecepheni (amandla): Ukungabi namandla nomdla wokwenza into.
Ukubek’ icala: Ukulala.
Ukulala obentlombe: Ukuba sebuthongweni obunzulu kude maxa wambi ungeva naxa uvuswa.
Ukulala obungehliyo: Ukuphuthelwa kuba uneengcinga ezikugcina uhleli (unomvandedwa).
Ukuba kobude (ubuthongo): Ngumntu oleleyo ade angeva nanto eyenzeka apho alele khona okanye kubenzima nokumvusa.
Ukubethwa ngumoya: Ukuziphumza entweni ngokuthi ukhe uzulazule phandle okanye utyelele kwenye indawo ngelithi uzakukhe uphole nasengqondweni.
Ukubeka ubilo: Ukuphumla