Izaci ngokuba nobuntu

Untamo inamafutha: Ngumntu oyimvuzemvuze. Umntu ophayo.
Umhambi uyahlinzekwa: Kuyinto entle ukukhathalela iindwendwe zakho. Umzekelo: Awunakude uhambe ebusuk’ apha, likhona igumbi endikulungiselele lona. Ndingahlekwa nazintaka ukuba ndingakuyeka udlule, kaloku umhambi uyahlinzekwa.
Ukuba nesandla esishushu: Kubhekiswa kumntu ophayo de ayibaxe xa enika umntu into.
Ukuba nezinwe: Umntu othanda ukupha ngaphezu kokuba kulindelekile.
Ukwenza izinwe: Ukupha ude uncame nale ubuzibekele yona into usongeza koko ubusewukwenzile.
Indlezane: Umntu onobubele.
Inimba mayibenye: Abantu abaphathwe ngokufanayo, kungabikho mkhethe.
Ukwaba izithebe: Ukohlulela abantu ngokweengingqi zabo.
Ucuntsu akafani noshici: Into encinci oyiphiwayo ayifani nokuba ungabinanto kwaphela.
Amanzi ayadedelana: Ububele bubuyiswa ngobunye.
Ububele bubiz’ obunye: Ukubuyekeza okuhle ngokunye okuhle.
Iindwendwe ziyabukwa: Umntu okuhambeleyo wenzelwa izinwe .