Izaci ngobunini okanye ukuba nezento

Ungxowankulu: Umntu ofumileyo ngokwemali.
Unezinto zakhe: Umntu osisityebi.
Ufumile: Isityebi.
Ukuthambisa iintungo: Ukwenzela umntu ofumileyo into ngenjongo zokuzuza lukhulu kuye.
Ukuqasha izitho: Ukungabi nanto. Ukuhlwempuzeka.
Ume ngomlenze omnye: Usemngciphekweni wokuphulukana nento anayo. Umzekelo: Bekungasekho nto kuyiyo kobo buhlobo babo, kudala ndayiqonda ukuba ume ngomlenz’ omnye uNtwengento.
Ukuba neentsiba: Ukufuma ngokwasemalini.
Ukungabi nazintsiba: Ukuhlwempuzeka.
Ukumila iintsiba: Ukubuya ubenezinto zakho emva kokuxwaleka.
Ingqwayi-ngqwayi: Umntu onewonga, onikwe igunya lokuphatha kwaye ephatha ngenzondelelo. Umntu ofumileyo.