Amaqhalo ngokwaluphala

Akukho nkanga idubul’ ingethi: Akukho mntu ungadlulelwayo lixesha lokugqama kwakhe.
Akukho sibonda siguga namaxolo aso: Nokuba umntu ugugile ingqondo nengqiqo yakhe isenamandla. Nokuba umntu selebhubhile umphefumlo wona awufi.
Guga sithebe kudala usaphulela: Ukuncoma umntu ngemisebenzi emihle ebekade eyenza esenamandla.
Ukuguga akuzi ngazingqi: Nakubeni umntu ehlala emtsha ngokwentliziyo, kodwa izenzo zokukhula ziyazibonakalisa engaqondanga.
Umakad’ enetha engenabhatyi: Umntu onamava.
Kwaguga inja eyayiluma: Umntu ongasenamandla okwenza izinto abefudula ezenza lula.
Dizadala kade bemkhwahlaza, thambo dala kade bemqongqotha: Kutshiwo xa kubongwa umntu omdala onamava nobulumnko.
Guga mzimba sala ntliziyo: Nokuba umntu sele aluphele ngokomzimba, ingqondo yona isacinga ngokufanelekileyo.