Amaqhalo ngobuqhetseba amaqhinga nobusela

Umyebelel’ emini uphaph’ ebusuku: Isela elibonakala lithobekile emini kanti lixakekile bubusela ebusuku.
Umagoloda wolus’ impuku kant’ uyincwasile: Ukunonophela into kanti uyijongele ukuyizuza ibeyeyakho, umagoloda sisikhova.
Lala gusha ndikuchebe: Ukuthomalalisa umntu ukuze ukwazi ukumqhatha lula.
Ukusithela ngesebe lenkawu: Ukubambelela kwisizathu esingekhoyo ngelokuzama ukuzikhusela.
Ukubophelela inyiki ngasezantsi: Ukwenza imikhwa yokutsala ixhoba ze lize kuwe lingaqondi suka wenze le nto unqwenela ukuyenza ngalo.
Uzingela upheth’ ityuwa: Ukukokosa into kanti uncwase ukuzuza ngayo.