Ngezansi izisho kanye nezincazelo zazo.
| Isisho | Incazelo |
|---|---|
| Ukuba inkomo kunobhutshuzwayo. | ∼Ukungakwazi ukudlala unobhutshuzwayo. |
| Ukuba mtshingo ubethwa ngubani | ∼Ukuba intandane. |
| Ukuba nenhliziyo engaphandle | ∼Ukuhaha. |
| Ukuba nkomo | ∼Ukungabi nokuzivikela, ukungalwi. |
| Ukuba yinyoka | ∼Ukuba nobuqili obufihlakele. |
| Ukubamba isisila sehobhe | ∼Ukuthembela entweni engenampumelelo. |
| Ukubeka icala | ∼Ukumangalela umuntu. |
| Ukubeka inkunzi | ∼Ukuphawula inkunzi. |
| Ukubhodlela emswanini | ∼Ukukhala emva kwendaba. |
| Ukubhongela emswanini | ∼Ukukhala emva kwendaba. |
| Ukubophela amanqina enyathi | ∼Ukwakhela uzungu. |
| Ukubukana ngeziqu zamehlo | ∼Ukungezwani. |
| Ukubulala inyoka | ∼Izinto noma abantu abaningi. |
| Ukubuya inhlazane | ∼Ukubuya kwezinkomo emini yasekuseni sezizosengwa. |
| Ukubuya nembande yesikhova | ∼Ukuba neshwa ungaphumeleli entweni obuyizama. |
| Ukucela induku | ∼Ukwedelela okudala impi. |
| Ukuchathazelwa kwelengane | ∼Ukuxoxelwa izindaba ezingandile. |
| Ukuchitha kwenkabi | ∼Ukumisa kwenkabi izimpondo zivulekile. |
| Ukuchunywa imfuyo | ∼Ukwandelwa imfuyo. |
| Ukucupha uchuku | ∼Ukwedelela abantu ngento eyaziwayo ukuthi abayithandi. |
| Ukudla impundu | ∼Ukuba umuntu okhohlwayo. |
| Ukudla ubhedu | ∼Ukuba ingqwele noma uhambe phambili kulokhu okwenzayo. |
| Ukudla udaka | ∼Ukuhlupheka. |
| Ukudukuza oswini | ∼Ukungabi namqondo, udidekile. |
| Ukufaka kwenkomo | ∼ukugcwala kobisi ebeleni lenkomo. |
| Ukufaka Umunwe esweni | ∼Ukwenza into komunye umuntu angayithandi emphatha kabi okanye emdinayo. |
| Ukufinya ngolimi njengenkomo | ∼Ukuhlupheka. |
| Ukugaqela eziko njengengane | ∼Ukuzisondeza engozini. |
| Ukugodla ubisi | ∼Ukungehlisi ubisi kwenkomazi. |
| Ukuguda inkomo | ∼Ukusenga inkomo engasenankonyane. |
| Ukugxaza amanzi njengencuba | ∼Ukuhlupheka, ukuba mpofu. |
| Ukuhlaba usentu | ∼Ukuqhwitha umhlabathi. |
| Ukuhlahla inhloko | ∼Ukuklabela ukhanda lwenkomo. |
| Ukuhlala phezu kwezikhali | ∼Ukuhlala ulindele noma yini engenzeka njengokuhlaselwa. |
| Ukuhlamba imikhonto | ∼Ukuhlaba izinkomo emva kwempi. |
| Ukuhloba kobisi | ∼Ukuvuthwa kobisi. |
| Ukuhosha umongulo | ∼Ukusenga izimfihlo. |
| Ukuhudula izikhumba | ∼Ukuhona |
| Ukujikela eshobeni | ∼Ukungenela into lapho ingenangozi ngakhona. |
| Ukukhipha inhlazane | ∼Ukuvulela izinkomo ekuseni ngaphambi kokusenga. |
| Ukukhiphela inkonyane | ∼Ukukhipha inkonyane enkomeni efile. |
| Ukukhunga umntwana | ∼Ukupha umntwana izipho. |
| Ukukhwela phezu kwendlu njengenja | ∼Ukwedelela abadala kunawe. |
| Ukulala ngenkomo | ∼Ukuzivikela. |
| Ukulala ngophondo | ∼Ukuba sesimeni sokungakwazi ukuzisiza. |
| Ukulandela amabheka | ∼Ukufuza ekhabonina. |
| Ukuma ngenkomo | ∼Ukuma ubambelele ehawini. |
| Ukumisa amanhlakomuzi | ∼Ukulala ubheke phezulu umise amadolo. |
| Ukuncelisa amawele | ∼Ukuyishaya emuva uyishaye phambili. |
| Ukuncelisa umbele ofile | ∼Ukukhohlisa. |
| Ukunyathela ngabantwana | ∼Ukuba nezitho ezinhle. |
| Ukuphehla uzuthu | ∼Ukusukela umuntu noma abantu ngoba wethembe ubuqhwaga. |
| Ukupheka inyama ngomhluzi wenye | ∼Ukuhlaba njalo. |
| Ukuphonsa kwenkunzi | ∼Ukuhlaba kwayo lapho ilwa. |
| Ukuphuma amathambo | ∼Ukukhumuka kwamazinyo obungane. |
| Ukuqhuba intwala ngewisa | ∼Ukwedelela. |
| Ukuqhuma abathakathi | ∼Ukuvela kwamazinyo enganeni. |
| Ukusenga inkomo nenkonyane | ∼Ukungabi nasimilo. |
| Ukusenga ezimithi | ∼Ukukhuluma amanga. |
| Ukusengela ophondweni | ∼Ukonela umuntu into yakhe. |
| Ukusengela umuntu esigujini | ∼Ukulutha ufake enkathazweni. |
| Ukushaya utshani | ∼Ukuvele uhambe ngokushesha noma ukubaleka. |
| Ukushisela uphondo | ∼Ukususa uthuthuva. |
| Ukusongela inkomo ingakahlatshwa | ∼Ukukhuluma sengathi into seyenzekile ibe ingakenzeki. |
| Ukuthola isisu | ∼Ukukhulelwa. |
| Ukuthola umntwana | ∼Ukubeletha. |
| Ukuthwala ilunda | ∼Ukuzazi. |
| Ukuzalela phansi | ∼Ukushonelwa abantwana. |
| Ukuzichoma kumalunda | ∼Ukuzithintela, uzithele enkingeni. |
| Ukuzizala | ∼Ukuzala umntwana ofana nawe. |
| Ukweqa izinyawo zenkosi | ∼Ukuba nochuku wenze izinto ezingakufanele, ezingekho ezingeni lakho, ezifanele abakhulu kunawe. |
| Ukweqela inkomo | ∼Ukuvimba inkomo uyikhalime. |
Makuthiwa imali ayiluthezi olumanzi kusuke kuchazani
Uma umi phambi kwabantu indlela yokubingelela eshaya emhloleni iyiphi?
Sanibona ingabe ukhona owazi ngomlando wakwa Chili isibongo
Nazi izithakazelo zakwaChili: https://iafrika.org/izithakazelo-zakwachili/
please help
Sebenzisa Amantshontsho noma Inqolobane Yesizwe ukuthola ukuthi zisho ukuthini
lezi zisho ezilandelayo: {10}
a. Ukuhluba udlubu ekhasini
b. Ukukha phezulu
c. Izinyo elibulalayo
d. NgangoZulu ebuthene eMlambongwenya
e. Ukuzwa ngosibhincamakhasana
Ngiyabona ukuthi usulibhekile ikhasi lethu lezisho, leli: https://iafrika.org/izisho/ Uma lezi ozifunayo zingekho kuloluhlu, ingani phela uyazazi izincwadi ongathola kuzo usizo, uyazibalula wena uqobo – hamba phela uyobheka kulezozincwadi ngoba vele usuyazazi yiziphi. Sikufisela inhlanhla!
SOBOHLA MANYUSA
Thank you a lot by nathi sibiya
Nathi siyazibongela kuwe mfo kaSibiya! Sithi Ndaba! Sithi Gumede! Sithi Sibiya nge . . . ,abafokazana bebiya nga . . .!
Funda zonke izithakazelo zakho sinazo lapha:https://iafrika.org/izithakazelo-zakwasibiya/
Awusho mfo kaSibiya, uke uphuphe ngemali yeSiliva ewuhlweza? Uthi bewazi nje ukuthi sinalo ulwazi oluthile nagamaphupho? Bheka nje nalu ulwazi esinalo ngokuphupha imali yeSiliva newuhlweza: https://iafrika.org/ukuphupha-ngemali-ewuhlweza-kusho-ukuthini/
uma phupha ikaka
uma uphupha izintwala zasekhanda kuchazani
Uma uphupha amawele kusho ukuthini?
Cela ningichazele uma uphipha uphunyelwa amazinyo kusho ukuthini?