Ulwimi lwamaBomvana sisiBomvana.
AmaBomvana nawo awazange asinde kwizembe lokuba kuthiwe angamaXhosa. Ayizange ibasithele abalawuli neyokuba amaBomvana nawo angabeNguni. Kodwa kuko konke oko abazange balivume kwaye basamkele isiBomvana njengolwimi olusemthethweni. Kungoko nawo amaBomvana anyanzeleka ukuba athethe isiXhosa kuzo zonke iindawo zolawulo, kuquka iCawe, kwaye kwanyanzeleka nokuba asifunde ezikolweni. Kungoko uyakufumanisa ukuba nawo asikhupha nangeempumlo isiXhosa. Kodwa ke ngokwasekuhlaleni, emakhaya nasezindibanweni zokuhlala, awasiyekanga ukusithetha isiBomvana.
Nanga amagama ambalwa esiBomvana awahlukileyo kwisiXhosa:
| isiBomvana | isiXhosa |
| Iquku | Igqudu |
| Umbuliso | Isikhahlelo (Njengaxa kukhahlelwa inkosi) |
| Mnqayi | Intonga |
| Ukubaleka | Ukuphala |
| Umfino | Umfuno |
| Inkongo | Umtshotsho |
| Unomgqemfu/Isiqobo | Isitulo esenziwe ngesikhondo |
| Ukucononozisa/Ukucononisa | Ukuhlawula umdliwo |
| Amanoyi | Iimbotyi |
| Kutshutshu | Kushushu |
| Ibhayi | Ingubo |