Izisho ngokuziphatha kwabantu

Ukudla amabele: Ukuganga. Kusho ukuthi umuntu usaphila. Kuvamise ukushiwo kumuntu osuke esekhulile ngeminyaka.
Ukudla umhlaba: Ukubaleka.
Ukuhlala ngomhlane: Ukuvilapha.
Ukucupha uchuku: Ukwedelela abantu. Ukwedelela abantu ngento eyaziwayo ukuthi abayithandi.
Ukuhlinzela ezibini: Ukuthi umuntu esehlulekile uqhubeke umenzele phansi. Ukuphatha umuntu ngesihluku.
Ukukhwela phezu kwendlu njengenja: Ukwedelela abadala kunawe.
Ukweqa izinyawo zenkosi: Ukwenza izinto ezingakufanele. Ukuba nochuku wenze izinto ezingakufanele.
Ukushisela uphondo: Ukususa uthuthuva noma umsindo.
Ukwenza izaba: Usuke usuzama nje kukhona osekwehlulekile noma usuchitha icala.
Ukuncelisa amawele: Ukuyishaya emuva uyishaye phambili, ukuba yixoki
Ukusenga inkomo nenkonyane: Ukungabi nasimilo.
Ukuqhuba intwala ngewisa: Ukwedelela okwendlulele.
Ukudlela ogageni: Ukuhlala njalo wenza izinto kodwa ungenakho ukuthula.
Ukuzidlisa satshanyana: Ukuzenza muhle noma samngani kubantu.
Ukudlela imbumbe odengezini: Ukwenza isenzo esingubuwula.
Ukudla inguyazane: Ukudla wedwa endaweni esithele.
Ukungadli lutho olubabayo: Ukungaphuzi utshwala noma ukuphila kahle.
Ukuwaliwa amabele: Ukungathandwa uphuzo oludakwayo noma ukwehlulwa utshwala.
Ukupheka inyama ngomhluzi wenye: Ukwenza into uyiphindelela.
Ukudla ingevu: Ukuxoxa.
Ukudla imihlathi: Ukwenqaba kodwa ungaphimiseli amazwi.
Ukubamba umoya: Ukudla kancane, ungasithi.
Ukubuya ibuya: Ukuphindelela entweni ngenxa yokufuna ukuphumelela.
Ukubuyisa izinhlonze: Ukuhwaqa ebusweni.
Ukubuyisa isivalo: Ukuvala kodwa ushiye isikhala.
Ukubuyisa isicabha / isivalo: Ukuvala kodwa ushiye isikhala.
Ukubuyisa umnyango: Ukuvala kodwa ushiye isikhala.
Ukubamba ngesidlova: Ukubamba ngesihluku noma ngolaka.
Ukubamba ngenduku: Ukushaya.
Ukubeka isandla: Ukushaya.
Ukubhula ngenduku: Ukushaya.
Ukubulala uphila: Ukuzwisa umuntu ubuhlungu obungaphezu kwamandla.
Ukudla umuntu nezibi: Ukumthethisa kakhulu.
Ukubulala ngecala: Ukujezisa kakhulu.
Ukubekelwa amabili: Ukushesha ushaye kungakakhulunywa kakhulu.
Ukubeka amabala: Ukugxeka.
Ukubeka isici: Ukugxeka.
Ukuphehla uthuthuva noma udweshu: Ukusukela umuntu noma abantu ngoba wethembe ubuqhwaga.
Ukusengela ophondweni: Ukonela umuntu into yakhe.
Ukusengela umuntu esigujini: Ukulutha ufake enkathazweni.
Ukubeka icala: Ukwehlulela noma ukumangalela umuntu.
Ukubamba oqotsheni: Ukufica noma ukuthola umuntu enza okungafanele.
Ukubiza ijele: Ukwenza into ekuholela ekuboshweni.
Ukubamba inkunzi: Ukugebenga.
Ukubulala ngehlaya: Ukuhlekisa. Noma Ukubulala nsini: Ukuhlekisa.
Ukudlelana amandla: Ukubukela phansi imizamo yabanye abantu.
Ukuchathazelwa kwelengane: Ukuxoxelwa izindaba ezingandile.
Ukudla isikhundla: Ukuthatha indawo yomunye umuntu ningavumelananga.
Ukubuyela: Ukuxolelana.
Ukuthelelana amanzi: Ukuxolelana.
Ukubophela ezacile: Ukwenzisa umuntu into ngoba ehlonipha engakwazi ukwenqaba noma umenzisa ngenkani.

THUMELA

Leave a ReplyCancel reply