Izisho ngesimo zempilo

Ukudla udaka: Ukuhlupheka. Kufana nokuthi “Ukufinya ngolimi njengenkomo”.
Ukufinya ngolimi njengenkomo: Ukwesela kakhulu.
Ukugxaza amanzi njengencuba: Ukuhlupheka.
Ukuhloba kobisi: Ukuvuthwa kobisi.
Ukuhudula izikhumba: Ukuhona.
Ukuba mtshingo ubethwa ngubani: Ukuba intandane.
Undingasithebeni: Umuntu ongenayo indawo yokuhlala.
Ukuzalela phansi: Ukushonelwa abantwana.
Ukushaya amanzi: Kusuke kukhona okungahambi kahle, bese kuthiwa kukhona okushaya amanzi.
Ukubangwa nezibi: Ukugula kakhulu.
Ukubangwa nethuna: Ukugula kakhulu.
Ukubangwa necansi: Ukugula kakhulu.
Ukubona ngokusa: Ukugula kakhulu.
Ukwaliwa ukudla: Ukuguliswa ukudla.
Ukuchitheka kwenyongo: Ukuchithekelwa inyongo, kusho ukuba nomkhuhlane osuke ungawelapha ngokuchatha.
Ukubulala ngephunga: Ukunuka kabi.
Ukuficwa ubanda: Ukutholakala ushonile.
Ukudla amabele: Kusho ukuthi umuntu usaphila. Kuvamise ukushiwo kumuntu osuke esekhulile ngeminyaka.
Ukwaliwa unyaka: Ukuthi izinto zingakuhambeli kahle onyakeni.
Ukudla ezamahole: Ukuzibizela ukuhlupheka.
Ukudla imbuya ngothi: Ukuhlupheka momma ukweswela.