Izisho ngempumelelo nokwehluleka

Ukuhlamba imikhonto: Ukuhlaba izinkomo ngemuva kwempi.
Ukubeka inkunzi: Ukuphawula inkunzi. Ukukhetha umuntu ozoba ngumholi wakusasa.
Ukuhlamba imikhonto: Ukuhlaba izinkomo emva kwempi.
Ukubuya nempande yesikhova: Ukuba neshwa.
Ukukhiphela inkonyane: Ukukhipha inkonyane enkomeni efile. Kuyenziwa uma inkomo ihluleka ukuzizalela.
Ukuvunywa imfuyo: Ukwandelwa imfuyo.
Ukudla ubhedu: Ukuba ingqwele noma uhambe phambili kulokhu okwenzayo.
Ukuhamba ulifake isiphandla: Ukuhamba ufuna into ethile eyigugu.
Ukuchitheka kophoko: Ukonakala kwento. Kufana nokuthi, “yawuchitha umuthi inkonyane”.
Ukubamba isisila sehobhe: Ukuthembela entweni engenampumelelo.
Ukubuya nequbu likanogwaja: Ukwehluleka.
Ukubuya ngezandla: Ukungayi nalokho ubunethemba lokukuthola. Ukubuya ungaphethe lutho.
Ukubuya ulambatha: Ukubuya ungaphethe lutho.
Ukubamba udonga: Ukukhohliseka.
Ukubamba utalagu: Ukulandela into ongeke ufike kuyo.
Ukubiza umkhokho: Ukwenza into ezokufakela amashwa.
Ukufaka kwenkomo: Ukugcwala kobisi ebeleni lenkomo.
Ukudla izambane likampondo: Ukuphila kahle, ubugwili.
Ukudla ngandoda: Ukusinda ngoba nabanye besindile.
Ukudla ingqehu: Ukugqoka kahle.
Ukwala ukhasha: Ayikho into ekwedlulayo.
Ukudliwa unkatho: Ukukhethwa eningini.
Ukubangela amehlo: Ukwenza ukuthi abantu bekubke kakhulu.
Ukubamba izulu: Ukuphumelela uthole into obukade uyifisa. Ukuba nezifiso ezinkulu.
Ukugeza amehlo: Ukubuka ngokujula into enhle.