Amaphupho ngotamatisi

Uma uphupha udla utamatisi kusho ukuthi kungenzeka kudingeke usebenze kanzima kodwa uyowuthola umvuzo wezithukuthuku zakho.

Amaphupho ngamazambane

Uma uphupha udla amazambane futhi emaningi kusho ukuthi uzochuma. Uma uphupha amazambane kodwa embalwa kusho ukuthi kunobunzima ekusaseni lakho.

Amaphupho ngophizi

Uma uphupha udla uphizi oluhlaza osemusha kusho ukuthi uzoba nenhlanhla. Uma uphupha ngophizi owomile kusho ukuthi ezezimali zakho zingaba senkingeni.

Amaphupho ngo-anyanisi

Uma uphupha udla u-anyanisi kuyisibusiso esingesibusiso. Kusho ukuthi uzoba nomlingani othembekile kodwa kungenzeka nilwe izikhathi eziningi.

Amaphupho ngommbila

Uma uphupha udla ummbila kusho ukuthi uzoceba futhi ujabule empilweni. Uma kunganele ukuthi wonke umuntu adle nokho kusho ukuthi uzobhekana nobunzima.

Amaphupho ngobhontshisi

Uma uphupha udla ubhontshisi kusho ukuthi kungekudala uzohlangabezana nesiphithiphithi esizokubangela inkinga. Kodwa-ke kungasho ingcebo nenhlanhla uma ubhontshisi umningi kakhulu.