Amaphupho ngokukhuluma
Asho ukuthini amaphupho ngokukhuluma? Lokhu kuhlanganisa ukuphendula imibuzo, ukuthola nokunikeza izeluleko, ukusho inkondlo, ukucula, ukuthuka inhlamba nokukhuluma umbhedo.
Amaphupho ngokukhuluma
Amaphupho ngokukhuluma umbhedo
Uma uphupha ukhuluma umbhedo kusho ukuthi wazi ngezinto okungafanele ngabe uyazazi futhi uzozithola usenkingeni ngakho maduzane.
Amaphupho ngokuthuka inhlamba
Uma uphupha ukuthi uthuka inhlamba kusho ukuthi uzolahlekelwa umngani maduzane. Uma uzwa omunye umuntu ethuka inhlamba kusho ukuthi uzoba nenhlanhla.
Amaphupho ngokucula
Uma uphupha ukuthi uyacula kusho ukuthi uzothola izindaba ezimbi maduzane futhi ungaba nesikhathi esinzima ekusaseni lakho. Unenhlanhla kodwa ngoba kuzoba nabantu abalungile eduzane abazokusiza kuso.
Amaphupho ngokusho inkondlo
Uma uphupha ukuthi abantu bakulalele usho inkondlo kuwuphawu oluhle kakhulu ngekusasa lakho. Kusho ukuthi ngelinye ilanga uzoduma ezweni lakho ngalokhu okwenzayo.
Amaphupho ngokuthola nokunikeza izeluleko
Uma uphupha ukuthi unikeza omunye umuntu iseluleko kusho ukuthi kunenkathazo ezayo kuwe. Kodwa uma ulalele omunye umuntu ekunikeza iseluleko kusho ukuthi wena ungumuntu oneqiniso nothembekile.
Amaphupho ngokuphendula imibuzo
Uma uphupha ukuthi kunomuntu okubuza imibuzo kuyinhlanhla uma wazi izimpendulo futhi ukwazi ukubatshela abafuna ukukwazi. Uma ungayazi impendulo kusho ukuthi uzobhekana nobunzima maduzane.