isiXhosa
Amaphupho ngemidlalo nobukhuphekhuphe
Asho ukuthini amaphupho ngemidlalo nobukhuphekhuphe? Lokhu kuhlanganisa amabhola, ukugibela, igalofu, ukujaha ngehhashi, ukugxuma, ukwehlulwa, ukujaha, ukubhukuda nokuwina.
Amaphupho ngemidlalo nobukhuphekhuphe
Amaphupho ngokuwina
Uma uphupha ukuthi uwine umklomelo kusho ukuthi uzoba nodumo empilweni yakho.
Amaphupho ngomjaho
Uma uphupha ukuthi usemjahweni kuwuphawu oluhle uma nje ungawi phansi. Uma wina uzophumelela maduzane kodwa uma wehlulwa kuyibhadi.
Amaphupho ngokwehlulwa
Uma uphupha ukuthi uhluliwe emncintiswaneni kusho ukuthi kuzoba nezinto ezinhle ezizayo kuwe – ikakhulukazi imali. Akuyona indlela oyilindele kodwa ngakho ke qinisekisa ukuthi uyilungiselele noma yikuphi lapho ezoqhamuka khona.
Amaphupho ngokugxuma
Uma uphupha ukuthi uyagxuma kusho ukuthi kuzoba nenjabulo ekusaseni lakho.
Amaphupho ngokujaha ngehhashi
Uma uphupha ukuthi ungujokhi ojaha ngamahhashi kusho ukuthi sekuyisikhathi sokuthi uqhubeke nezinto okade uzihlela – zizoba yimpumelelo.
Amaphupho ngegalofu
Uma uphupha udlala igalofu kusho ukuthi uzobhekana nezinkinga emsebenzini okuzofanele ube namandla ukuzinqoba.
Amaphupho ngebhola
Uma phupha ukuthi ukhahlela ibhola emdlalweni kusho ukuthi uzophumelela ngenxa yokusebenza kwakho kanzima.
Amaphupho ngokubhukuda
Uma uphupha ukuthi uyabhukuda kuwuphawu oluhle uma ikhanda lakho lingaphezulu kwamanzi – ikakhulukazi emsebenzini nasebudlelwaneni bakho nabanye. Uma amanzi ehlanzekile ecwebile kuhle kakhulu. Uma ubhukuda phansi kwamanzi kusho ukuthi kunezinkinga ezizayo kuwe ikakhulukazi uma amanzi efiphele. Amaphupho ngolwandle.