Dithoko tsa Makgolokwe / Bakgolokwe
Re le Makgolokwe, Mahlabakotswana,Mahlaba-kgoho-ka-lemao-ka-sebonong,A e hlaba, a e isa kgorong ha Mokgolane,Mokgolane a e ja, a ba a e halala,A re “kgutla hape o yo eketsa,Motho wa Wetsi!”
Re le Makgolokwe, Mahlabakotswana,Mahlaba-kgoho-ka-lemao-ka-sebonong,A e hlaba, a e isa kgorong ha Mokgolane,Mokgolane a e ja, a ba a e halala,A re “kgutla hape o yo eketsa,Motho wa Wetsi!”
Ke le Lekgwakgwa la ha Mahlatsi,Batho ba ha Mahlatsi ba kaalo ka dinaledi,Ba kaalo ka jwang ba tshaane, molelengwane,Ke batho ba ha Mmamphamo wa Mahasa,Batho ba Sepharumele sa Mongalo,Ke batho ba ha Mmamotlhotlo o a batlwa,Motlhotlo bosiu o ba mofubedu,Motsheare o ba mosootho,Batho ba ha Mahlatsi ha se ba ho ya le batho ntweng,Ha ba …
Ke Mokwena wa Tumane wa Potsela,Wabo dijo, wabo Moselane,Ho hlabana dithotsela ka mahaheng,Di tsekisana maphutsi le marakaila,Se hlooho e kgolo ke Tumane,Makgakgwa, o a le bitsa!
Ke Motaung wa ha Rathulo wa Mphethe,Sengalo sengape Mongapa Tshwana,Motaung wa ha Moletsane,Esale a phathikga Lehurutse lefikeng.
Ke Mokwena,Ke motho wa Mantai wa Mapapa,Nong di mo jele wa Marabeng sokotwana,Tsa eja Ratladi Kotswana Phokeng,Tsa eja tsa siyaMahlong ho wena ho bohobolokwanaKe mora Tsholwane wa Molemo wa Tshotelo,Wa Motebang wa Napo wa MositoO na site mang?O na site Tlake,Mopeli Moholo wa Raseapara,Seapara Lome,Lome ke apere,Ha ke ya ikapesa ke apesitswe,Ke batho ka boomo,Ke …
Ke Mokwena wa Mahaseng,Wa lepotlapotla le ja podi.Modikoloha o ja kgomo,Motho wa ha Kgakadira tsa Monyane le Morathane,Motho wa Mmamothibedi wa Kwena,E thula tse bokwana bo bonyane,E di thula e di bolaye,Hoba ntwa ha e lwane ka dikgoka feela,Le ba basese ba a e lwana.
Ke Mokwena wa Maiyane wa kgomo ya Leruo,Leruo la kgomo, mora Motlohelwa,Ba Mmamotetenene wa Kgosi,Ba kgatampi e ntle, sebapalla,Ba mmaleruo le tloha ho kgomo, le ye ho motho.
Motloung wa ha Makgekge wa Sekgwane, Motloung,Ke tla thella, ke thelle ho mang?Ke tla thella ho hotsho ha Maphiri a Phirima,Bata se phoofolo, ngwana Mothetho,Ka mehla ena ka o hasa,Wa hlaba batho ka marumo,Wa re ke diphoofolo,Ka ntsha kgomo, ka romela lehodimong,Ho ntate Motloung, Sekgwane,Ke mohodi wa ho di harella dithaba,Thatolla re sa di bona,Ba …