Ho jwetswa sefahlamahlo – Ho jwetsa motho ditaba tsa hae ka ho mo toba o sa tshabe letho.
Ngwana moshanyana ke kabelwamanong – Motho e motona o lokelwa ke ho fuwa mathata ohle ho sa kgathaletsehe hobane o atisa ho ba sebete ka nako tsohle le ho ba matla.
Habo lekwala ha ho llwe – Ho ba le mekgwa ya ho qoba le ho phema kotsi ntle le ho lwana kapa ho hlaselwa.
Ha e lale makwala re none – Ho be le kgotso le kgutso, dikgohlano di fokotsehe kapa di hle di fele.
Monna o tla phela ka mofufutso wa phatla ya hae – Monna o tla sebetsa ka thata ho fihlela a fumana seo a se hlokang kapa seo a se labalabelang.
Ho ba sebete – Ho hloka tshabo, ho hloka letswalo ka botlalo.
Ho se tsebe ke lebote – Tlhokeho ya tsebo e ka ntsha lewatla kotsi.
Letswalo ha le dule le motho – Motho ya nang le letswalo ya boi o dula a baleha.
