Ke Mofula Mokolobeng,Motho wa Marasakane,Moana-kolobe,Moana-phoofolo a e ja,Malema-feela, a sa phophothe,Mmadinakana ka hanong.Ha o batla kgotso, kgotso ke nala.Ha o batla ntwa,Bona metsu qholong ka kgohlopong,Marumo ke seqhanyane sa ntwa,Hela mokola ona ke Raseqhanyane,Ke Mofula, Matsetlelana hantle.
Ke Motloung wa ha Maloka,Wa Mmatlou di fula hae,Ke ho hloka badisana.
Ke Motloung wa ha Sejake,Wa Mmatsatsi, mpone,Wa Mmaditlou, di fula hae,Di hloka baalosi. Kapa ho thwe Ke Motloung wa ha Mmasejake,Wa kgomo e thokwana,Ha e tswala motsheare e a hlola,Eo mohlatla o jewang ke sebono.
Ke Mokwena wa Tumane wa Potsela,Wabo dijo, wabo Moselane,Ho hlabana dithotsela ka mahaheng,Di tsekisana maphutsi le marakaila,Se hlooho e kgolo ke Tumane,Makgakgwa, o a le bitsa!
Ke le Lekgwakgwa la ha Mahlatsi,Batho ba ha Mahlatsi ba kaalo ka dinaledi,Ba kaalo ka jwang ba tshaane, molelengwane,Ke batho ba ha Mmamphamo wa Mahasa,Batho ba Sepharumele sa Mongalo,Ke batho ba ha Mmamotlhotlo o a batlwa,Motlhotlo bosiu o ba mofubedu,Motsheare o ba mosootho,Batho ba ha Mahlatsi ha se ba ho ya le batho ntweng,Ha ba …
Re le Makgolokwe, Mahlabakotswana,Mahlaba-kgoho-ka-lemao-ka-sebonong,A e hlaba, a e isa kgorong ha Mokgolane,Mokgolane a e ja, a ba a e halala,A re “kgutla hape o yo eketsa,Motho wa Wetsi!”
Ke Mokwena wa Mokotedi,Wa ha Mmualle wa Litha,Wa mohlamu o mofubedu wa kgomo,Motho wa ha tlapa ha le ribollwe,O ka le ribolla,Wa fumana phamphang ya masepa.
Ke Mokwena,Ke motho wa Mantai wa Mapapa,Nong di mo jele wa Marabeng sokotwana,Tsa eja Ratladi Kotswana Phokeng,Tsa eja tsa siyaMahlong ho wena ho bohobolokwanaKe mora Tsholwane wa Molemo wa Tshotelo,Wa Motebang wa Napo wa MositoO na site mang?O na site Tlake,Mopeli Moholo wa Raseapara,Seapara Lome,Lome ke apere,Ha ke ya ikapesa ke apesitswe,Ke batho ka boomo,Ke …
Ke Motaung wa ha Rathulo wa Mphethe,Sengalo sengape Mongapa Tshwana,Motaung wa ha Moletsane,Esale a phathikga Lehurutse lefikeng.
Motloung wa ha Makgekge wa Sekgwane, Motloung,Ke tla thella, ke thelle ho mang?Ke tla thella ho hotsho ha Maphiri a Phirima,Bata se phoofolo, ngwana Mothetho,Ka mehla ena ka o hasa,Wa hlaba batho ka marumo,Wa re ke diphoofolo,Ka ntsha kgomo, ka romela lehodimong,Ho ntate Motloung, Sekgwane,Ke mohodi wa ho di harella dithaba,Thatolla re sa di bona,Ba …