Umlandvo netinanatelo temaSwati

Umlandvo webakaDlamini

Imvelaphi BakaDlamini, labaphindze babitwe ngekutsi ngemalangeni basuka e-Embo, lekuyindzwo letfolakala eveni lamuhla lelibitwa ngekutsi kuseKenya. Basuka kuNgwane. Ngwane watala bantfwana lababili Dlambula kanye naMatalatala lobekaphindze abitwe ngekutsi nguDlamini. Matalatala utala Mswati wekucala lotala Ngwane wesibili, yena atale Dlamini wesibili, Dlamini atale Nkhosi wesibili. Banakabo Nkhosi wesibili bekunguNdzimandze kanye naMamba. Nkhosi watala Mavuso wekucala yena banakabo …

Funda okunye

Umlandvo webakaGama

Imvelaphi BakaGama babeSutfu ngekwendzabuko. Kwakunendvodza leyatiwa ngekutsi nguZimbili lebeyihlala etintsabeni tebeSutfu. Yatsi iyatingela ngalelinye lilanga kwavuka inyamatane lebitwa ngekutsi limpofu. Lenyamatane beyingamani nje ibonakale, nakwentekile wayibona wawubonga bakini ngoba lidloti likungenele enguleni (yinhlanhla lengakavami). Kutsiwa wayigijimisa ke lenyamatane Zimbili, ihle ilahleka emehlweni akhe iphindze ivuke embikwakhe. Luhambo Nakabona kutsi emehlo sekayangcundzeka (sekucala kuhwalala), bekalala, avuke …

Funda okunye

Umlandvo webakaGamedze

Imvelaphi BakaGamedze basuka kuMlotjwa. Nguye lidlotinchanti labo labalifungako. Phela umuntfu wakaGamedze waze watsi ngingafunga Mlotjwa avuke, kusuke kusho kutsi kungiko sibili loko lakushoko. Kukholakala kutsi Mlotjwa wabekwa eSinceni lapho linyenti lebakaGamedze bebatfolakala khona. Ngiko nabananatela batsi wena lowacedza Since ngekwenaba. Mlotjwa watala Ludzaka, yena watala Shiba naKhashiwe. Ngulaba lababili lekusolwa kutsi bacheketa sive sakaGamedze kabili. …

Funda okunye

Umlandvo webakaMagongo

Imvelaphi Sibongo sakaMagongo sacala kulibito lemuntfu hhayi sibongo. Phela bakaMagongo banye ngekwendzabuko nebakaDlamini. Tikhona tibongo letacala kungasito tibongo. Tacala kumabito ebantfu. Kubese kubakhona tibongo leticalwa kutsi inkhosi itsatse intfombi kaDlamini bese libito leyise waleyontfombi seliba sibongo. Sibongo sakaMagongo sacalwa yinkhosi Mswati wesibili ngaphambi kwaloko bonkhe bebasebentisa Nkhosi Dlamini. Letinye tati tiveta kutsi lesibongo sacala ngemuva …

Funda okunye

Umlandvo webakaMahlalela

Imvelaphi BakaMahlalela bangemalangeni. Bebabanye nakusukwa e-Embo, kwatsi nakwakhiwa umncele lohlukanisa live leMaswati, leMozambique kanye neSouth Africa, labanye bakaMahlalela batikhandza sebabaseMozambique labanye baba baseSouth Africa. Mahlalela naDlamini bebahleti kanyekanye kaTembe. Batsi nabesuka kaTembe bafika etintsabeni teLubombo bakhandza indlovu itala. Lomunye watsi ayibulawe lendlovu kantsi lomunye watsi ayingabulalwa ayimelwe icedze kutala. Lolowatsi ayibulawe watsatsa sive sakhe nalabebahamba …

Funda okunye

Umlandvo webakaMkhonta

Imvelaphi Basuswa tinchushunchushu kaZulu letifaka ekhatsi timphi temfecane, mahashule lobekatiwa ngekutsi nguMadlathule lobekashaya acotfula emfuyweni kanye nakubantfu. Magaloza wesuka kaZulu wafikela eNkomazi kaHhohho. Umnakabo Ndzata yena wakha eMbekelweni. Bobabili labafana bebaphiwe siphiwo sekwelapha, kutinyanga letatiwako. Ndzata watsatfwa bakaNgwane wayosita khona. Kusebenta kwakhe kwaba nemdvumo lomuhle watikhandza sekenganywa ngumsebenti, wagcine wacela eNkhosini kutsi amane alandze umnakabo …

Funda okunye

Umlandvo webakaSimelane

Imvelaphi BakaSimelane babenguni, banye kanye nebakaNdwandwe. Indzabuko yabo basuka eningizimu yelive lamuhla lelibitwa ngekutsi yiSudan. Basuka kuNdlovu, Ndlovu bekanebantfwana emadvodzana akhe bekamane kunguSimelane, Maseko, Gule kanye naMthimkhulu. Lamadvodzana agcine sekatibongo letehlukene letitimele. Behla bahlehletela nesilulu. Ngiko nabatibonga batsi wena lowagicika ngesilulu wate wayofika eNkalaneni. Silulu besinetintfo letimcoka tebukhosi babo, sasetfwalwa bafana labaphakuliwe. Bebatsi nabahlehletela lesilulu …

Funda okunye

Umlandvo webakaSukati

Imvelaphi BakaSukati basuka endzaweni lebitwa ngekutsi kuseGodlwako, letfolakala enhla nakaZulu. Kunetintsaba lekutsiwa tintsaba taseGodlwako dvute nemifula Umzinsangu neMvunyane. Lidlotinchanti labo nguVikeya. Vikeya wesuka Ogodlwako nalabane bakabo baya kaNgwane bayewukhonta enkhosini Ngwane. Vikeya bekahamba naMkhonezinduku kanye naTfukuswako. Besifazane bekunguVangile kanye naLomacala. Basesendleleni Lomacala wahlatjwa kugula wafa. Bamgcwaba eceleni kwendlela. Tfukuswako yena waya eLubonjeni wafike washintja sibonga …

Funda okunye

Umlandvo webakaZwane

Imvelaphi BakaZwane basuka KaZulu endzaweni lebitwa ngekutsi kuseMangweni eHlobane. Bebahlala bakakwe ngimifula lemibili uMfolozi lomnyama nalomhlophe. Bebahleti ngekuthula kukuhle kwate kwafika sikhatsi lapho Shaka inkhosi yakaZulu nakucala timphi teMfecane ngesikhatsi sekubusa kwenkhosi yabo bakaZwane lebeyibitwa ngekutsi nguMangede. Mangede wafela kulemphi ngiko kutsiwa etibongweni takhe nawe Mangede awumncinyana, ingani uyakwati kuhlala elukhandzeni lwesikhali. Kwatsi ngemuva kwalemphi …

Funda okunye

Sinanatelo saka Dlamini Clan Names

Nkhosi! Dlamini, Wena wekunene, Wena lomuhle kakhulu! Wena weluhlanga lwakaNgwane, Hlubi! Mlangeni, Wena lowacedza Lubombo ngekuhlehletela, Wabophela lokuhle emtfuntini, Wena longayidli imvu, Wesaba umcondvo nemafinyela, Nkhosi!