Mavundla,Mgabhi waKhota,Sinukamnandzi njengesindvwane,Sinukamnandzi njengemakha emakhosikati,Mnteni loluhlata njengencoshane,NaboNdlovu kayitsi laphoInyatsele khona ngayitolo!NaboPhiliphili,NaboDangazela,Wena ungagezi ngemanti,Ugeza ngelubisi,Wena ungagezi ngelubisi,Ugeza ngembetse!Wena lowabhodl’ ebusweni benkhosi,Yanget’asho lutfo, yabonga,Dlanini imfe boBhembe!Sitawudl’ emagaba,Aphelile emalunga ngekwephulelana,Sihlamuhlamu semaNteni!
Nkhosi! Dlamini, Wena wekunene, Wena lomuhle kakhulu! Wena weluhlanga lwakaNgwane, Hlubi! Mlangeni, Wena lowacedza Lubombo ngekuhlehletela, Wabophela lokuhle emtfuntini, Wena longayidli imvu, Wesaba umcondvo nemafinyela, Nkhosi!
Kunene!Mntimandze,Madvonsela,Vusuti lomhlophe,Lobhambolunye!Tingaba timbili weta nato ekhabonyoko,Mageza ngelubisi emanti akhona,Bafokatane bageza ngemanti!
Lukhele!Mdluli,Mhlanti wendlunkhulu!Mahle mahlanti bahlanta endlunkhulu,NaboNkhosi!NaboQomazitha waNgwane!NaboMavovemvula,NaboNtekati,NaboTfukutfu!Letawela phansi,Takhotfwa ngeMalangeni,Nayo leyasindvwa sisila ngekushiketela!Iyephuta kusuka iyesuka iyahlala lenyoni,Nabonyoni tidla emini,KuMabhengu!Nabonyama yendlati imnandzi ekosiweni,NaboMbabatane leyacedza laKholwane!
Nkhosi!Mabuza!Mshengu,Mshabalala!Ludvonga lwaMavuso waNgwane!Wena waya eMbo wabuyelela,Ndlebenhle tombili tikhanya lilanga!Mbhonca,Sidvwabasilutfuli!KaMabuza akuvalwa ngemivalo kuvalwa ngemakhandza emadvodza!Mabuza longalandvuli,Ulandvula ngelitfodlane!Wena wagodla umkhonto wakhokha siyeme,Watsi umkhonto uyangibambelela!
Magagula!Mtfombeni,Gutjwa,Komtwako!Mgongoloti loluhlata longavutfwa nasetiko,Wenawaphekwa nelitje!Kwavutfwa litje,Kwasala wena!Wena wavutfwela ekhatsi njengelihwabha,Sibuyane lesabuya nematfombeni kaZulu!Sobahlekazi,Mntfombeni!
Nkhosi!Magongo!Gatjedze,Gatjedze waNyandza!Wena waseLangeni!Sitsingitsingi sakaLaNyandza mhlophe!Nyandza lehamba ivutsa emva kwaSomhlolo,Mhlaba bangekho baya ekulimeni!Batsi bayabuya bakhandza liphunga lenyama,Batsi Nyandza uyemana,Kantsi wemana tindzaba!Wena wamhlanguzosha!Maye tinyoni tiyolalaphi?Magongo!
Mahlalela!Maziya,Mcanco,Mlangeni,Ndlela,Nyamatane!Wena longayibhashi imbhasha,Udla lijingi kuphela!Phuma nhlavu yabolanga sikotse!Singenangubo wena unengubo,Wena wacedza Lubombo ngekuhlehletela!Wena lowasekela live lemayenjane,Mahlalela!
Nkhosi!Mamba!Ntfulini,Mamba lendze lesensokonsokweni!Luvunguvungu lolutfwele umlomo!Ingabe luveni?Ngubekunene!KaMamba akuvalwa ngemivalo kuvalwa ngemakhandza emadvodza!Samuketi!Sinambovu kuMalangeni!Nine banhlavu tiyandiza kuMalangeni!Galo lugwegwe lukhokha tingingila temadvodza,Mamba!
Maseko!Ngcamane,Ngcamane wamafu!Khubonye waNdlovu!Ndlovu tidla ekhaya,Esigangeni teswela umelusi!Mnguni waseBuhleni!Mdzandzalukane!NaboSidvwabasilutfuli,Sidvwaba silutfuli singabantolo siphuma ekhabonina nenina!Mntungwa welukhetfo lwaKhabangobe waMaphanga!KaMaseko akuvalwa ngemivalo,Kuvalwa ngemakhandza emadvodza,Maseko!