Clan names

Sinanatelo saka Msibi Clan Names

Msibi!Ndlondlo yakhotsa!Bashise!Abashiswa nguwe,Bashiswa tono tabo,Khatsidze!Wena welusendvo!Khotsa lomuhle!Wena wakaLaSiwela!Dvum’entsabeni ekhaya nasetsafeni!KaMsibi akuvalwa ngemivalo,Kuvalwa ngetinhloko temadvodza!Lonkhomonyenti tabuya nengwe nengwenyama!Wena waMataleni,Wayigudla ingula yendvodza,Sivekhulu!Nhlabanyeni!

Sinanatelo saka Mthethwa Clan Names

Mthethwa!Nyambose!Jobe!Jobe waDingiswayo,Mnguni, wena waseningizimu!Wena waLundzi!Wena waseThukela!Simamane sebuhlalu!Bhodla ngikhotse umlomo!Wena welitsambo!Limaniki ngilikhukhute ngaze ngadzinwa!Wena wenkhonjane tihamba emahhomu!Wena wesalukazi safa simbethe ubhedu emtanyeni,Ichegu lafa liphethe inchaka yalo,Mthethwa!

Sinanatelo saka Dludlu Clan Names

Dludlu!Mtima,Mzomba,Masibekela,Nyamatane!Wena wasibekela inkhosi ngelutfuli!Ematima latsi nakaya ebandla ayakhetsana,Nine leningadli bubendze nesaba kuba bovu!Wasuka Dludlu,Wahlala Nkhalakatsa,Nhlangotsi,Kubutsa,Kubutsa lokuphakulwako,Baphakula badzinwa bafokatane!Mngebelele waboLanga,Nhlangotsi lolubovu lunemanceba,Kunukani?Kunuka uMnguni lomudze loseNkhwatane!

Sinanatelo saka Ndlangamandla Clan Names

Ndlangamandla!Mphazima!Mntungwa!Mawandla kaNdlela!Nina baseMandlovini!Mlotshwa!Siwela!Mphazima kaLanga!Nina bakwaLanga libomvu,Elashis’amabel’ezikhuthali!Mabuya sezembethe’ugogwane!Mlotjw’akangakanani,Ngoba nasentendeni yesandl’uyahlala!Wena owaphath’induk’emnyama washay’amanzi, kwavel’udaka!Nkonjane yenkosi!Mpangazitha!

Sinanatelo saka Dvuba Clan Names

Dvuba!Mtima,Mzomba,Nyamatane,Masibekela!Nine lenasibekela inkhosi ngelutfuli!Kusuka Dludlu,Kuhlala Nkhalakatsa,Ematima latsi nakaya ebandla ayakhetsana!Watsi akasewubusa alasewuba yinkhosi!

Sinanatelo saka Gama Clan Names

Mbhokane!Gama,Mdluli,Maphalala!Titfo tingumbhobho tingangetendlovu,Tiyatsandza tendlovu ngoba timgciliba!Lutfuli lwetichwe nelwetinyamatane,Wena wadvwaba tilitfudlana,Mphembe loluhlata lojojolukati!

Sinanatelo saka Gamedze Clan Names

Gamedze!Kunene,Mntimandze,Lobhambolunye!Tingaba timbili tafuta ekhabonyoko,Nigeza ngelubisi emanti ahleti!Malwakubi,Mlotjwa,Wena waseSinceni,Wena lowacedza since ngekwenaba,Dzindzikhulu!Wena wakhala emsamo kaboNgwane,Batsi nguye Kunene,Nguye Mntimandze,Lobhambolunye!Timomotfo,Bantfu labahle!

Sinanatelo saka Ginindza Clan Names

Nkhosi!Ginindza,Lomphofu netinyawo takhe,Mamba lendze leseNsokonsokweni!Leyatsandzela uMkhwakhwa neNgwavuma,Siwelela esimkhono umatima!Yindze lenyoka ifika eMavaneni,Ludvonga lwaMavuso waNgwane,Ludvonga lwaya eMbo lwabuyelela!Ludvonga lwashaya phansi kwafoma ingati etandleni,Sigubhu singumuntfu singuMswati!