Hlophe!Mabhengu,Lukhambule,Mkhonkosi,NaboNkhosi!Inyoni lebovu lehlala esihlanjeni,Kukhala lobovu,Kukhala waMabhengu!KaHlophe akuvalwa ngemivalo,Kuvalwa ngemakhandza emadvodza!Ndzawondze yengwenyama,Wena ushwila bantfu njengetinyamatane,Wate wakhala watsemba kutfukutsela!
Msibi!Ndlondlo yakhotsa!Bashise!Abashiswa nguwe,Bashiswa tono tabo,Khatsidze!Wena welusendvo!Khotsa lomuhle!Wena wakaLaSiwela!Dvum’entsabeni ekhaya nasetsafeni!KaMsibi akuvalwa ngemivalo,Kuvalwa ngetinhloko temadvodza!Lonkhomonyenti tabuya nengwe nengwenyama!Wena waMataleni,Wayigudla ingula yendvodza,Sivekhulu!Nhlabanyeni!
Mthethwa!Nyambose!Jobe!Jobe waDingiswayo,Mnguni, wena waseningizimu!Wena waLundzi!Wena waseThukela!Simamane sebuhlalu!Bhodla ngikhotse umlomo!Wena welitsambo!Limaniki ngilikhukhute ngaze ngadzinwa!Wena wenkhonjane tihamba emahhomu!Wena wesalukazi safa simbethe ubhedu emtanyeni,Ichegu lafa liphethe inchaka yalo,Mthethwa!
Ndlovu!Gatjeni!Ndlangamandla!Boya benyathi buyasongwa,Buyasombuluka!Dlovu zidla ekhaya!Ngekweswela belusi,Zeluswa intombazane uDumezane!
Matsebula!Mkholo,Mkholo lonsundvu netinyawo takhe tekucatsatela egumeni kaboMntfwana,Cotsa!Ngubo yengwenyama!Ngwenyama lendvuna!Wena welugogo lwengwekati!Wena washoba lenkuzi lesilikitsi,Wasindvwa lishoba na uyowela ematubukweni!Emacaca akahlali ndzawonye ngoba ayanukelana,Masina!Sihlahla semtfongwane lesahamba sacedza emayaya!Mavimbela!Wena wetinja tiyamluma tiyamtsakasela!
Nkhosi!Ndzimandze!Ndzimandze waNgwenyama!Wena waMavuso,Mavuso waNgwane!Mahlanya waNkhondvo!Wena wambenga emadinsi!
Mavimbela!Mkholo lonsundvu netinyawo takhe,Mahle Makholo ngoba ngemacaca ngekunukelana!NaboDlabatsikati!NaboSilosensele!NaboNselendvuna!NaboGala lenkhokhobeti!Ungayi!Gogo!Bete ngengingila yendvodza!
Ngwenya!Mntimandze!Bhambolunye!Mabuya,Bangasabuyi baye bebuya,Emangwaneni!Lobhambolunye!Tingaba timbili weta nato ekhabonyoko!Mageza ngelubisi emanti ahleti!Nungunde waKhothe!Bayosala betiloyanisa!Ngwenya!
Nkhosi!Mavuso!Mavuso waNgwane!Ncele lekhohlwa letimkhulu!Wena walahla umuti ngekulibala,Wawunika bafokatane!Masaphokati!Masalangendzawo!
Nkambule!Msutfu!Msutfu Mswati!Gasolo!Mtilankhatsa!Malandzelalilanga naliyoshona emancubeni!Ncube lonsundvu netinyawo takhe!Wena wasenhla!Wena uyitsatsa inkhosi uyibeke enhlambelweni!Msutfu!