Sinanatelo saka Mkhatjwa Clan Names
Mkhatjwa!Ndwandwe,Nxumalo,Nkabanhle!Wena waseGudu,Wena waseGudunkomo!Nkhabanhle zombili!Zwide kaLanga!
Clan names
Sinanatelo saka Shongwe Clan Names
Shongwe!Kunene!Mntimandze!Lobhambolunye!Tingaba timbili tifute ekhabonina!Mageza ngelubisi emanti ahleti!Bantfu labahle kakhulu,Timomotfo!Uyajabula umfati lowendza kaShongwe ngobe utawutala timomotfo!Shongwe!
Sinanatelo saka Mkhonta Clan Names
Mkhonta!Mhlungwane,Dlabatsi,Mbhele loluhlata njengencoshane!Machuba lutfuli,Madlingotsi!Wena weNgwedze neNgwavuma,Wena wachamuka eZitheni kaLobamba,Kwaze kwacangana emahlungwane!Wena wagezela inkhosi enhla,Mkhonta!
Sinanatelo saka Sihlongonyane Clan Names
Nkhosi!Sihlongonyane saka LaNgwenya lesimhlophe!Lesinematfumbu laluhlata lanjengencoshane,Lesingakhonjwa ngendvuku siyayilandzela!Asilali ecansini elikhwane,Silala ecansini lenchoboza!Somopho!Gagaga!Wena wakaDonda!Wena waphaphela encabeni netjeni,Litje lavika emadvodza!Sihlongonyane!
Sinanatelo saka Mkhwanazi Clan Names
Mkhwanazi!Shamase wamavovo,Shiba lomkhulu!Nkwali yenkosi,Mazal’inkosi!Mpangazitha!Hlangoza!Hlamatane waboNyandzeni!Solimbomvu!Wena wakhaphuzela amadoda kweyaseLubuya,Khwane lihle babebathe bayalisika liyamila!
Sinanatelo saka Sukati Clan Names
Sukati!Msime!Msime lomnyama loseGodlwako!Mvovokati,Londvuku tibovu njengemjikijelo!Mtfomb’endleleni bahamba bawubatsela naboNongombili!Mavundla!Mavundl’endleleni,Mavundla waGembe,Gembe waMafusi!Wena lowanukwa ngemlomo kungakayiwa etinyangeni!Sukati!
Sinanatelo saka Tfwala Clan Names
Tfwala!Lukhambule!Mnyamandze!Shivakati!Mshivakati longenamphondvo!Mafuyankhabi!Wena wakaMkhontfo lodvuma njengelitulu!Wena wakaLaSiwela!Nine bakaLundzini!Tfwala!
Sinanatelo saka Tsabedze Clan Names
Tsabedze!Guliwe!Guliwe waNdlovu!Wena waGuliwe waNgubo!Wena wantsaba itfutsa emafu njengelitulu!Livondvo aliwudli umhlanga!Licatsa umtfumbu ngaphakatsi!Ingwe ayiwanyatseli emacaphoti,Iyesaba ematipho konakala!Nine manyambo akhetsana ebandla!Tsabedze!
Sinanatelo saka Vilakati Clan Names
Vilakati!Mphephetse!Wena waseNgwedze neNgwavuma!Wena wadla dzadzewenu watsi akananyongo akanamhlehlo!Tibhabhakatane taLaShongwe letiwela Indlozane tayiphindzelela!Gama lowedvwa losemsengeni lodlalisa ngelusiba lwaJojo,Lube lwaJojobela luhleti,Ngoba wesaba emagoba konakala!Vilakati!
Sinanatelo saka Simelane Clan Names
Simelane!Mnguni waseBuhleni!Wena waseNkhalaneni!Mntungwa!Phembe elikhulu!NaboLokotfwako!NaboNgwane!NaboYaka!Ndlovu zidla ekhaya zidinga umelusi,Zeluswa intombazane uDumezane!Lendlebe indletjana,Zimchewane,Zachewula magundvwane!NaMavovokati kwelaseNkhalaneni!Nine nigicika ngesilulu na nesuka eNkhalaneni!Nine natala Sobhuza!Natala Somhlolo!Nine ningemamphembe!Nine ningemangelengele!Lubhembedvu luma letjana entsanyeni!Simelane!