Ke nna Sekete se modumȏ
Seketemela dichaba tsa Phokeng,
Ga Mmanape-a-tshukudu
Erile go twe o tlhabile Segopa Kgadikidiki
Magosana a ipela are:
Sekete o hule re tla robala.
Erile go twe o dule fa lapeng,
Ba têma mekokotlo ba re:
Sekete re a be re tla go mo tshabela kae!
A re ngwana-a- Mmapya a koba tshukudu,
Makgale ke ênê a sa mo tshabeng,
Ga a tshabe sêlo se naka le phatlheng.
A re ngwana-a-Mmampya o tshosa Modimo,
O tsosa o motona o tlatlapa,
Mmagwe o tlaa mo lefa kang?
Raya Borejane a mo lêfelle
Le ge ele letlhodi a duele
Kwa ntle ga go kukeloa.
Masitela mabapi, go shoa a maraka magolo,
Abo Raletshola-a-Lekomola.
Metswedi ya leboko: Kgoroeadira, K.O. (1993) The Praise Poetry Of The Bafokeng Of Phokeng.