Dirobaroba tsa Masodi a Mphela
Di a robile di sa tla go a lala
Tsa sutlha dinamane
E le ‘namane tsoo-Ngwato
Namane tsa dikgwa
Motlhala ga o bonale
Go bonetse motlhakolana
O leleane tlhageng
Kau la Mongwato kgalola
La tšhotlhwa ke ntšwa ya kgwa
Mabolola a ntweng
A tswe jaaka lerumo
A re go gadima go bonya
Moadira ga a gadime
A bone dira di tlhaga
Kau leleele ke morwa Kgosi
A ete a a le tlhantlhabetsa
Ditse sa kgomo letsogong
Se ‘ete se boa phatleng
Mofufutso o tšhwe ntsi e tshabele kgakala
Laela rangwane a kgosing
O lebile o reeditse
Podi tse di mabololo-mangwe
Di bolola di ya borwa
Botau ga ba je
Go ja phokojwe
Moruakgomo ntwa ke eo!
Moruapodi o tlaa Kgalema
Ntshwaeleng ke lo bokile
O bitse Kgosi Ngwato
Podi ngolwana ke e bone
Podi-tona e gangwe le mariga
Mašwi kumata ke nwe le bagaetsho!
