Phofotlaaka a Tshosa
Phefo ya matswee ya bo-Motswasele
Ga e anna ya fofotlaaka
Ya fokela dikgomo le batho
E foka le badisa ba moana kwena
Yo e riling mpe etla e befile
A raya mosimane a re, e bone
Go tulwe ako o eme o e kanoke
Ya Bokalaka y abo e le seromo
E le phofedi ya legoma e feta
Mosimane wa bo-Kediilweeng
O tshaba o falotsega sethutlwa
Batho lo kile lwa senya morukuru
Lo kile lwa senyetsa Tshosa mokoba
Lwa senya more wa bo-Keimetswe
More wa bo-Mmanyana a Kgabo
Wa ga Mmanyana a Seitlhamo
Ga lo itse go bopa kgosi, Bakgatla
Kgosi ya re e bopjwa e siame
E bopjwe e siamisiwa diatla
Go bopjwe dijabana tsa mabogo
Gotwe kgole ya setlhako e se mmolaye
Ke Bahurutshe ba ba golo ba kgosi
Ngwana wa ntlo ya mogadingwana, ya ga Gaojewe
Morafe o o tsetsweng ke Seitlhomo