Motlhaping o Marumo a seatla ke mabote motho o mokala ke. Ke sekukuni Lekontshe, seja kgomo le motho ka tsaya kgomo le Modisa. Ao o setlhogo jang naa letebele morwa Mphela loo papelo loo Mokalake, ntlhang o ka tsaya kgomo wa tlogela Modisa go bota itlhoboga.
Leboko la Borra Bantsijang
Leboko la losika la ga Bantsijang
Batlhaping Boo Phuduhudu ba ga Molehe
Ka Matthews Bantsijang
Dumelang ditlhapi tsa ga Molehe, dikgosi tse di tona
Dumelang Batlhaping, Barolong Boo Tau ba bina tholo
Mosadi wa khiba e makgantsetse wa go bolaya tlhware
Bare ba mo neela bogosi, a bo gana, a ya go ja tlhapi ko nokeng e tshetlha.
Ba Bantsijang ke ditlhare tsa motlhware,
Ba bologile mo mmung wa borraetsho.
Ba eme jaaka dipone mo lefifing,
Ba bonesa ka mowa, ka lorato, ka boammaaruri.
Ke lapa le le sa tshabeng diphefo,
Le le emeng mo marung a diphetoho.
Fa lefatshe le thothomela, ba Bantsijang ba ema,
Ka thobane ya tshiamo, ba lekanya tempele ya botshelo.
Ba bua ka dipuo tsa borra,
Ka Setswana se se humileng ka mowa.
Ba opela dipina tsa kgololesego,
Ba kwala dipolelo tsa tsholofelo.
Ba Bantsijang ke batshhedi ba nako,
Ba lemoga fa mowa o foka,
Ba tsosa ba ba robetseng ka lentswe la lorato,
Ba aga tempele mo dipelong tsa batho.
Ke lapa le le nang le mowa wa borai,
Le le tsholetsweng mo kutlobotlhokong le mo phenyo.
Le le sa lebale—mme le sa kgaogane.
Le le opelang: Bantsijang! Re ka tsoga jang re le bongwe?