Ke Batshweneng ba ga Tshipana
Boo-Nkwana-ya-magosi
Re bommina-Tshwene monaiwa-mmeleng
Makopong ga ke naiwe
Ke batho ba ga Thipa-nkgaodisa ke loditswe ka bogale
Ke Batshweneng ba goo-Nkwana-ya-magosi batho ba
Ke batho ba ga Matshelaganyane a tshelaganya ditsela
A thiba dinokwana
Ba re kgomo khunwana tsa Batshweneng
Ba re di tsaletse kae?
Ba re di tsaletse ‘kgageng tsa Batshweneng
Ga di a jewa ke bophiri-phamola
Ba re modisa wa dikgomo tsa Batsweng ke yole
O paleme thota tadi e amusa
Ba re motlhang tsa tsala
Tsa tsala tlhabula
Moribo o o ribegile tlhe
Motho wa Motshweneng wa ga Tshipana oo-Nkwana wa magosi
Kana botshelo kgetse bo a tlhakanelwa
Le serota-esi ga se epe mosima
Ba re tshweeeeene, behu….!
