Ukuba uphupha uphethwe ngamathumba, oko kungathetha ukuba unokugula kungekudala. Ukuba uphupha ukuba omnye umntu uphethwe ngamathumba, unokuva ubuhlungu kwikamva elikufutshane, ngakumbi ukuba liqabane lakho.
Ukuba uphupha wophuke amathambo, amaxesha amaninzi oku kunokuthetha ukuba kuya kubakho ukugula kwikamva lakho. Ukuba imilenze yakho yaphukile, nangona kungenjalo, oko kunothetha ukuba unokutshata nomntu obuthathaka. Ukuba ungumfazi, oko kunokuthetha ukuba umyeni wakho usenokuba linxila elingento elingakwaziyo ukukuxhasa. Ukuba uyindoda, oko kusenokuthetha ukuba umfazi wakho uya kuba ngumfazi olungileyo, kodwa akanamandla ngokwaneleyo okunyamekela ikhaya.
Ukuba uphupha uqaqanjelwa ziindlebe, loo nto inokuthetha ukuba izinyanya zizama ukuxelela into kodwa awumameli.
Ukuba uphupha unemasisi oko kunokuthetha ukuba kukho intlupheko kwikamva lakho. Unokulahlekelwa yimali ngenxa yokuboleka umntu ongakwaziyo ukukubuyisela, okanye usenokufumana ingxaki emsebenzini.
Ukuba uyimfama ephupheni lakho, oko kunokuthetha ukuba unokwenza impazamo enkulu ngaphandle kokuba uphulaphule iingcebiso zabanye abantu.
Ukuba uphupha ungakwazi ukuphefumla, ngokuqhelekileyo ingaba luphawu olubi. Kungathetha ukuba unokugula kungekudala.
Ukuba uphupha unentloko ebuhlungu, eso ingasisilumkiso sokuba uhlale kude kubahlobo bakho okwethutyana ukuze uqiniseke ukuba wenza into elungileyo ngaphandle kokuba bakuphembelele ukuba wenze impazamo.
Ukuba uphupha uneqhenqa oko kunokuthetha ukuba kusenokubakho usizi kunye namashwa azayo ebomini bakho.
Ukuba uphupha uqhwalela oko kunokuthetha ukuba kungekudala unokujongana neengxaki, ngakumbi emsebenzini.
Ukuba uphupha ufumene ingozi kwaye wonzakele, oko kunokuthetha ukuba kufuneka ulumke kuba kukho into embi enokuthi yenzeke kuwe kungekudala. Ukuba ingozi ibandakanya amanzi, unokuba neengxaki zobudlelwane kwaye ukuba ibandakanya omnye umntu owenzakalisayo, unokuba nengxaki emsebenzini.