Skip to content
- Go bapolana ka mafoko – Go buisana dikgang tse di seng monate go omanwa kgotsa go refosana mafoko a a botlhoko.
- Go betsana/itaana ka noga e utlwa – Go ilana la go swa, go tlhoana.
- Go betwa ke pelo – Go tenega, go tlala maikutlo.
- Go ja motho nko e sa butswa – Go garomela motho o sa mo fe sebaka sa go itlhalosa.
- Go ithwesa magala mo tlhogong – Go itsenya mo matshwenyegong. Go ikimetsa ka selo se o tlaa se ikotlhaelang.
- Go rakana le nko di aboga – Go fitlha ka nako e e maswe go loa mme go omanwa thata.
- Go anya motho mafoko – Go batla motho mafoko; go mmuisa mafoko.
- Go eteletsa naka la tshukudu pele – Go nna wa ntlha go direla motho molato yo a neng a ikaeletse go go dira sengwe se se maswe.
- Go upa maraka-tau e setse e tlhasetse – Go alafa bolwetse bo sa bolo go golela pele.
- Go nna ntswa le phiri – Go ilana mo go setlhogo.
- Go tshela motho mmu mo matlhong – Go rumulana.
- Go kgotlha motho ka monwana – Go rumulana.
- Go sa tseisane molelo – Go sa utlwane.
- Go konopana ka noga e utlwa – Go ilana mo go setlhogo.
- Go jana ka meno – Go omana.
- Go nna sa ntša le phiri – Go ilana mo go maswe.
- Go paralatsa menwana – Go ipeela tlhwatlhwa kwa ntle ga go gopolela yo o duelang.
- Go ratela phiri ka matlhoa – Go sekisa motho e bile o eta o tlhagisa, o mo tlhatlhelela marumo.
- Go tshela noga ka mmu – Go šakgatsa motho.
- Go tshosa ka meroro – Go tshosa ka sekgoropa, ka go bua thata, ka go tlatlarietsa ga kgalefo.
Related
