Maele ka ga go tshola batho

Go boloka motho – Go mo fitlha a sule; go thusa mo tlaleng/tlalelong.
Go fisa baeng marago – Go itlhaganisa baeng gore ba se ka ba nna lobaka.
Go iphaga dibese – Go itsenya mo dilong tse di sa go ameng; go italetsa.
Go kgwa motho mathe – Go nyatsa motho.
Go reba legala – Go fokotsa kgalefo.
Go jela motho matlapi – Go tlakatlakela motho.
Go bonesa motho ka motswaiso wa monato – Go nyatsa motho.
Go tlhaba ka matlho – Go lebelela thata.
Go tlhaetsa matlho. Go nyatsa.
Go kaba motho maroba a pelo – Go kgoreletsa yo mongwe ka go nna, go dula kgotsa go ema gaufi thata le ene.
Go ja mogontlho – Go dira ka go rata ka yo mongwe a sena mosireletsi.
Go kgotla semane – Go rumula; go šakgatsa.