Maele ka ga go tlotla

  • Go ipaya motlhala – Go itlhalosa.  
  • Go utlwa sepotsane – Go se utlwe sentle. 
  • Go utlwa mathaithai – Go se utlwe sentle. 
  • Go isa tsebe – Go reetsa. 
  • Go tlhwaya tsebe – Go reetsa sentle. 
  • Go adima ditsebe – Go reetsa. 
  • Go bula ditsebe – Go reetsa sentle. 
  • Go tlhoka molomo – Go tlhoka puo. 
  • Go moma molomo – Go didimala. 
  • Go tlhola o atlhame – Go bua thata. 
  • Go ja yo mongwe nko e sa butswa – Go garumela yo mongwe ka puo. 
  • Go kaba ditsebe – Go thiba ditsebe.  
  • Go katela leleme ganong – Go itsa go araba le go ipuelelela. 
  • Go robelela dikgonnyana mo ditsebeng – Go itlhokisa go utlwa; go intsha tsebesusu. 
  • Go rulela mogope ntlha e le nngwe fela – Go buelela motho le go gogela mafoko ntlheng e le nngwe fela. 
  • Go sudisa pelo – Go buisa mafoko a a sa kgothatseng. 
  • Go tsaya seditse – Go neelwa kgang; go dumelwa mo go se o neng o se buile. 
  • Go ntsha mosi ka sekhurumelo – Go bua sephiri 
  • Go ja ka tsebe – Go reetsa. 
  • Go baya mafokomafatshwa – Go boka motho. 
  • Go nna molomo-monate – Go bua puo e e itumedisang. 

Leave a Reply