Matebele a mantsho
Ke a bokile fa a tswa botlhaba
A bokwa ke nna letshwara-tšhaka
Ke tlogolo sentsho sa ona
Ke Mašape wa segopa-ka-mpa
Ngwana wa ga Molomo-o-kgotlopo
Mašape Maokaneng
Morwa Makgalaope Maokaneng
Kgosi ya Matebele senatla
Kgakgatsi o jeleng podi manenkwatla
O senya ka go ja makaba a batho
Re raya Motsila a atlhola batho
Malepa a tsogang a raga dikobo
Ga a etse mosetse o tsoga o letse
A re a ‘tsatsi le tlhabe
Le tlhabe le mo fise kobong
A sale a tsoga maloba
Mathibathiba dikotswana
Mmoa-a-di-tetemisa dithele
Tse di mašwi ba di itse
Mabolola a se na kobo
E re a boa a tle a e apere
Ke mabolola a Matebele
A ye ntweng a tle a gapile!
