Bahurutshe ba ga Motlharo
Baana-Phofu e tshetlha e e dinakana dintshontsho
Phofu e e rile borole bo tsena
Bahurutshe ba simolola boherehere
Maele a re: Nka mpane ka ipha naga
A ralala dikgwa tsa Kgalagadi
A ya go gorosa Bahurutshe ‘gageng la ga Mogana
Ya re borothwe ba goroga
Ba bo ba phanyegile mala
Bangwe ba botsa gore gaetsho re boela leng?
Bangwe ba re: ošoo!
Leeto la ga Pooe
Go tsena Kudumane ga se thaka ya motho
Ba ga Motlharo maila-go-kgotlhwa
Ba tlola jaaka nkwe e tona
Ba kgalema jaaka tshetlha ya dikgwa
Banna ba petlekolola direthe
‘Tshega di fapogile marago
‘Poo di sutlha legora
‘Poana di kalapa
‘Role lo beta mokoduwe
‘Tšhaba di sala di maketse!
