Matebele a mantsho a ga Masodi-a-Mphela
A ga selala le namane letlhakoleng
Di robaroba matlhakola
Di a robarobile di sa tla go a lala
Di tsoga di gopotse letlhakola lengwe
Di tlhaolela-nageng
‘Namane tse di dinaka di diobe
E re fa e re, “gou”, di bo di re “goooo”, kgodumo!
O e tshabele mogotlhong
More wa nare ga o lebalebelwe
Mmutlwa ga o tshwane le lonaka o ka tlhomolwa
Mogatsa mmoloya-nare o ja a batla seya-ntlo go sa le gale
Kgodumo e e maboo-mabe,
Go bowa e a gabalala
Barwa pataola tsa mere
Barwa motlhana-o-tlhokile-motsei
O jelwe ke magakabe le manong
Barwa kgodumo ya leselesele!
