Ditoro la olive ya thoteng
Ha o lora sefate sa oloive ya thoteng, mme ho na le ditholwana makaleng, ho ka bolela kgotso, thabo bophelong ba hao.
Ditoro ka lebala, dimela le difate
Ditoro ka lehaha
Ha o lora mahaha, ho ka bolela ho se be le botsitso bophelong ba hao. O ka hlotjhwa ke ntho e nngwe kapa wa fumana ditaba tse seng monate.
Ditoro ka lehwatata
Ha o lora lehwatata, ho ka bolela hore o ka ba le bomadimabe bokamosong ba hao.
Ditoro ka ho reketla ha lefatshe
Ha o lora ho reketla ha lefatshe, ho ka bolela hore o tla lahlehelwa bophelong ba hao.
Ditoro ka moepa
Ha o lora moepa, ho le thata ho o hlwa, ho ka bolela hore o tla sokola empa o qetelle o atlehile.
Ditoro ka mokoti
Ha o lora mokoti, ho ka bolela botle ha o sa tshela letho, o tla tlelwa ke thabo le lelapa le hlomphehang. Ha o tletse metsi, ho ka bolela hore koduwa e a o tlela.
Ditoro ka thaba
Ho lora thaba ho ka bolela bomadimabe. Ha o e bonela hole, ho ka bolela hore o tlaba le bophelo ba ho kula ka lebaka la kgatello ya maikutlo. Ha o hlwa thaba, ho bolela hore o tlaba le mathata empa o tla a hlola, haholo ha o ka hlwella ka hodimo.
Ditoro ka seretse
Ha o lora seretse ho ka bolela hore dintho tse mpe di a tla, batho ba ka bua hampe ka wena. Ha o le ka hara sona, ho ka bolela hore dikoloto di tla o hlola di o bakele mathata.
Ditoro ka lehlaka
Ha o lora mahlaka, ho ka bolela hore ho na le motho ya o qhekellang.
Ditoro ka lewatle
Ha o lora lewatle, ho atiswa ho bona e le ntho e ntle ha maqhubu a kgutsitse. Ke bomadimbae ha maqhubu a le tsukutla hampe. Ha maqhubu a le maholo, a le matla ho ka bolella hore o sebetsa ka thata hore o atlehe. Ha o tsamaya hodima metsi ho bolela hore o tla phomella, …