Uma uphupha ushaya noma ulwa nemuntfu, ungahle uhlangabetane nesimo lesiletsa nemahloni nekujabha empilweni yakho noma buhlobo lobungaphumeleli nalophilisana nabo nalabo losebentisana nabo kanjalo. Nangabe lomunye umuntfu akushaya wena utivikela nje ungaphindziseli, ungahle uvelelwa simo lesiletsa emahloni ngenca yekutsi umuntfu uyakuhleba. Leliphupho lingaphindze lecwayise kutsi kukhona lokugadlako ngemitsi yesintfu nebutsakatsi.
Uma uphupha ushada kungaba yinhlanhla lembi, ikakhulukati emadvodzeni. Kungasho kutsi kutawuba nengoti nobe kufa empilweni yakho lokusondzele nobe lokucondzene nalohlobene nabo. Uma lomunye walabantfu agula noma akhubatekile ephusheni lakho, kungasho umshado longajabulisi kuwe. Leliphupho lingasho inhlanhla kuphela nangabe wesifazane ashada nelikhehla.
Uma uphupha upheka bhiya, kungasho kutsi utawuvakashelwa ngumuntfu lobuya khashane. Leliphupho lingaphindze lisho kutsi bogogomkhulu bakunika umlayeto wemsenti tsite wesintfu lodzinga kuwenta kute uchumane nabo ikakhulukati nawuphuphe tjwala besintfu. Nangabe unatsa bhiya ebhaleni nobe e-tavern, kungasikisela kutsi wente sitsa ungakacapheli.
Uma uphupha emacandza, kungasho kutsi utawuphumelela emsebentini nobe esikolweni. Nobe kunjalo, nangabe lamacandza abolile, kungase kusho kutsi kungaba netinkinga ekuphileni kwakho. Uma emacandza asesimeni lesihle, kungasho kutsi utawuphumelela etinhlelweni takho.
Kubalulekile kutsi uma uneliphupho lelibuya kaningi, kutsi uyakhona kucondza kutsi lisho kutsini. Lelo phupho lingabika kutsi yini lengahle yenteke, futsi kubalulekile kutsi ucondze inchazelo yalo. Imvamisa emaphupho amelela bogogomkhulu labakhulumisana nawe. Kuba nemaphupho lamabi njalo akusiyo intfo lenhle njengoba kukhombisa ingoti. Kunenkholelo yekutsi uma wenta loko emadloti lakutjela kona emaphusheni, utawuba nenhlanhla futsi batawuba khona …
Kuphupha ngemali kusho kuba nemandla ekufeza tinjongo takho nobe kufinyelela imigomo yakho. Imigomo yakho ingahlobana nengcondvo, imiva nobe kufinyelela esigabeni lapho uphila khona indlela yekuphila loyifunako. Uyakhona kucabanga, kutiva futsi wente nobe yini lokufunako emphilweni. Imali ingakhombisa emandla. Ngendlela lekahle, imali imelela ematfuba, emandla kanye nekutiva uciniseka ngemandla akho ekwenta lokutsite. Ngakulolunye luhlangotsi lolungakalungi, imali …
Uma uphupha bantfu labafile, kuvame kusho tintfo letimbi kuwe. Uma ubabona sebavukile baphila futsi, kungasho kutsi kunenkinga letitako endleleni yakho. Nangabe bahlobene nawe, kungase kusho kutsi kufanele uyekele kwenta tintfo letimbi ngobe utawungena enkingeni. Nawuphupha umuntfu lomatiko lofile akubite nobe akutjela kutsi uyaphila kungasho kutsi loyo muntfu utsetjulwe batsakatsi bamenta umkhovu wabo, kufanele utfole inyanga …
Uma uphupha tinkhomo noma ematfole, inchazelo iya ngekutsi uyatelusa noma cha. Uma utibona emadlelweni, noma utilusa, kungasho imphumelelo kanye nenhlanhla yelikusasa lakho. Nobe kunjalo, nangabe tikugijimisa nobe tikujaka, kungase kusho kutsi titsa takho tiyakutsakatsa futsi utawuhlulwa ngito. Kuhlala kutsatfwa njengenhlanhla lembi kuphupha inkhomo lemnyama, futsi kungasho tinkinga emsebentini wakho noma ebudlelwaneni bakho.
Liphupho lekuya ecasini livamise kuba liphupho lelibi lelikhombisa imimoya lemibi lekutungeletile, imphilo yakho nobe indzawo lolala kuyo. Loku kungaba ngumphumela webutsakatsi lobunemandla, lobusetjentiselwa kukuloya nobe imimoya lemibi leshiywe endzaweni lapho ukhona khona. Ngako ke, kulwa naleliphupho nekulungisa lenkinga, ikakhulukati nangabe iphindzeka njalo, kufanele usebentise luhlelo lwakho lwenkholo. Loko kungaba lusito loluvela kubelaphi besintfu nobe umkhuleko …
Uma uphupha ngemaphoyisa noma emasotja, kungasho kutsi kukhona lokubi lokutawenteka. Inshokutsi yaleliphupho ingaphindze isho kutsi kunabogogomkhulu lebebamabutfo ekuphileni kwabo labativetako kuwe ikakhulukati nakukhona lokubi lobhekane nako emphilweni, basuke bakulelwa timphi takho takamoya nasemphilweni loyiphilako.