Emaphupho netinchazelo

Emaphupho mayelana netinwele

Kuphupha ngetinwele takho, kungasho tintfo letinyenti letehlukene. Uma ngabe uphupha tinwele takho nje todvwa, ungatfola lutsandvo nobe budlelwane emphilweni yakho kepha lowo muntfu angaphindze atsandze lomunye umuntfu. Ngesintfu kuphupha tinwele kungasho emandla akho ekufinyelela emphumelelweni yelikusasa lakho. Kushintjashintja kweTinwele Kuphupha ukama tinwele takho, kungasho kutsi utawulahlekelwa yintfo lebalulekile, kantsi kushintja nobe kupenda umbala wetinwele takho …

Funda okunye

Emaphupho ngemvula

Inchazelo yekuphupha imvula incike kakhulu emandleni ayo kanye nesikhatsi sayo. Imvula lejwayelekile ingakhombisa kutsi kukhona lokusendleleni lokuta kuwe – kungaba sipho, kepha kungaba yintfo lembi njengekugula. Siphepho singakhombisa tinkinga nobe kugula esikhatsini lesitako, futsi ungabhekana nekukhohliswa ngumuntfu nekungajabuli emphilweni yakho. Nanobe kunjalo, ngekuhlakanipha, ungahle uphumelele ekugcineni. Uma uphupha imvula seyiphelile futsi lilanga seliphumile, kungasho inhlanhla …

Funda okunye

Emaphupho ngeKugeza

Uma uphupha ugeza, kungasho tintfo letinhle nobe letimbi. Uma emanti amile noma asendlini yakho yekugezela, kusho kutsi ungaba nenhlanhla madvutane nobe utfutsele endzaweni lapho utawujabula khona. Nangabe ugeza ngaphandle nobe emantini lageletako, kungase kusho inhlanhla lembi nobe kutsi ungadvumala. 

Emaphupho ngeTicatfulo

Uma uphupha ngeticatfulo, kungakhombisa kutsi uphumelele uma leticatfulo titinsha futsi ticwebetela, kepha ubhekane netinkinga uma titindzala futsi tigugile.

Emaphupho mayelana nekulahlwa

Uma lotsandzana naye akushiya nobe akulahla ephusheni lakho, kungasho kutsi lomuntfu lonaye utawetsembeka kuwe. Leliphupho lingaphindze livete imiva nemicabango yakho yekwetfuka nekwesaba kutsi lotsandzana naye angahle akushiye noma aphume emphilweni yakho.

Kuphupha ngesibhamu

Uma uphupha ngesibhamu, kungasho kutsi tinkinga tisendleleni. Uma usiva sikhala kudubula inhlavu, kungenteka kube nekugula nekulwa empilweni yakho lokulandzelako. Nangabe kunguwe lomuntfu lodubula lesibhamu, kungaba kubi kakhulu. Leliphupho lingaphindze lichaze kugadlwa ngemitsi nebutsakatsi nangabe kunguwe lodutjulwako, caphela!

Emaphupho mayelana nebuciko

Kuphupha udvweba intfo letsite nobe sitfombe, kusho kutsi kungenteka ube incweti yebuciko bekucamba ngalelinye lilanga. Uma upenda ephusheni lakho kungaba luphawu lolubi, ngoba umndeni wakho ungahle uphuye esikhatsini lesitako. Kuyaye kuye ngekutsi yini loyidvwebako nobe loyipendako futsi tukwani kuleliphupho lokutakunika inchazelo lesinesiciniseko lesihlobile nalesifanele.

Emaphupho ngeMlilo

Uma uphupha ngemlilo noma emalangabi, kukholakala kutsi luphawu lolubi lwelikusasa lakho. Kungase kusho kutsi intfukutselo nekudlelwa titsendze ngumuntfu nobe bantfu lobatiko nalobatsembile endleleni yakho. Ungalahlekelwa tintfo letibalulekile kuwe futsi kungenteka ubhekane nekugula nekufa. Nangabe wekhwetela lomlilo ube mkhulu ephusheni, kungase kusho kutsi utawuhishana nemuntfu lomatiko nilwe.

Emaphupho ngenkhukhu

Uma uphupha tinkhukhu, kungasho tintfo letinhle kuwe uma nje tingabi nemantjwele ato. Ngaphandle kwemantjwele, leliphupho lingasho injabulo nemphumelelo. Kepha, nakunemantjwele, kungasho inhlanhla lembi, kulahlwa, nekulahlekelwa, ikakhulukati elutsandvweni nobe emsebentini.