Nḓou dza thavha ya Tshivhazwaulu Vhathovholo,
Thengu nya muthihi na Denga,
Denga we a ri: “Takuwa u ime Tshivhazwaulu!” nga uri wa sa faralela davhi u a lovha,
Iwe Matoro wo i isa fhi mvula,
Ḓivha u ri munwe muthihi a u ṱusi mathuthu,
Dzulani zwaṋu Nḓou muṱavhatsindi,
Musina nḓevhe, musina nḓevhe,
Ndi mutupomuthu a sini nḓevhe a tshi vhona,
Ndi Nḓou dza vha-ṱavhatsindi,
Vho-Nwatshiunetshiune tsha vha-ṱavhatsindi,
Vhaḓuhulu vha nyathopa-nala,
Vhaḓuhulu vha tshithopa-mikonde,
Ndi vha-thamboni ya thamba mukaka ya maḓi marema,
Vhasadzi vha tshi tamba nga mare, vhanna vha tshi tamba nga halwa.
