Ndi yone Khuvhula-mananga,I ri: “Ndi ḽa mavhele vhusiku nda siela vhathu ndala na mutshinyalo,Hone nda a ḽa masiari ni ḓo nyitani?”Ya ri: “U lima ndi a lima ndi tou kundwa mbeu”,Hezwi ḽi tshi tsha ndi humela Dakani thavhani ya Luonde, hone vhubvo hanga,Ndi yone ya ha-Mala Zwivhisi, ine ya ri i tshi ḽa ya vhomba, …
Mudau,Ndi Vhadau vha thenzheni,Thenzheni ḽa malowa-nḓila,Ndi ḽi lowa na mufhiri wa Gondo,Ndi vhathu vha tsianani na mukono,Ndi vhathu vha ndele i tshi fa,I tamba kabubu maṱodzi,Ndi vha Munzhelele vha u lunzhedza vhulungu vhu no lunzhedzwa nga a re na nzhele, a sina nzhele a tshi fhaladza,Ndi Mudau, ndi Mpharalala, Mpharalele na vhafhiri vha Gondo,Ndi vhone …
Dzulani zwaṋu Singo-Rambau,Muthu wa dzimangoma ḽa vho-Tshikala,Tshikala wa mulenzhe vuluvulu ḽo luma ṱhoho,Ndi Tshituni tsha Khosi Mapfumo na Dembe,Dembe washu muḽila-vhathu,U vha ḽila u ḓo vha tha ni?Mapila o pila vhathu,O pila zwivhi na zwivhuya o putela,Tshithotholwe tsha Vho-Nndwana,Thavha yashu ri khoda Nngweni,Ho edelaho vhahali vhukuma,Ndi vha ha vhulungu vhutete vhu lunzhedzwaho nga vha re …
Mulaudzi wa ha-Mabada sinavha, tshinavhela vhavhuya,Vhavhi a sa navheli, ane a tshi losha vhe: “Dzulani zwaṋu Mulaudzi!”Ni so ngo vhona Mulaudzi u pfufhifha, o hwala thundu o naka,Ndi vhaḓuhulu vha gwamasenga, ndi Vhatavhatsindi, vha ila mutshila wa mbudzi ngeno mutumbu vha tshi ḽa,Ndi tshiulu tsha muḓini, ndi Vhalaudzi, Mulaudzi a sina thavha… thavha dzawe ndi …
Rambau-Mutavhatsindi muila-mutshila wa mbudzi,Ngeno mutumbu a tshi ḽa; Mutavhatsindi,Wone muri mufunwa nga vhasadzi,Vhatavhatsindi, vhatavhi-vha-tsindi,Rambau-Mutavhatsindi wa tshituni tsha Dembe,Wa khosi ya ngome; musi tanga i tshi hwaliwa na hatsi,Musi ṅwana a tshi bebwa a vhidzwa Dembe,Mme a vhidzwa Nyadembe,Musi ri tshi ḓi renda ri ri: “Tshituni tsha vhatukana na vhasidzana”,Dzulani zwaṋu Singo, Kwinda, Nemagovhani, Netshifadi, Netshikweta,Ra …
Vhaṱwanamba,Vha Tshivhula tsha matshikotiko vha gumbu ḽino fhela nga mipfa,Vha ri: “A vha dzule hanefho, nnḓu i kha ḓi oma”,Vha tshi ṋaga u ḽa nga vhuya,Aheee! Ndi dzunde ḽa ha-Tshivhula ḽoṱhe,Magule mahulwane a Luonde,Zwi gwa mutada zwi luvhola.
Raulinga a si u avha,Milingele yo ro vha mivhi,Vho-Khotsi a muenda na Khanyakhanya,Ni ri thomu muenda Ḽigegeda,Wa vho-Nechikombani tsha vho-Phelembe Raulinga,Raulinga wa Dzinanga Madambi a na Raulinga,Raulinga o linga Duvha,Raulinga Netshivhangani tsha mafumo na Misevhe,Muṱi shaya vhulungu vhasomi mu ende nge zwitiko,Kuna byanyi mu ende nge Mavhoko,Vha malume vha ka Pela.
He ndi nwana wa Magoro muduhulu waManzinzinzi wa Nwa-Mutavha.Wandevhe ndevhe a dzi pfi, di pfa nga u randiwa.Muduhulu wa Managa li a lila, Nzhelele Mutangaumani.Vhe khuhu dza hone ndi mavhodaVha ri dzulani fhasi mukololo Mutavhatsindi,Ene ha Nyahulungu vhutete, hu lunzhedzwaho ngaana nzhele,A si na nzhele u a vhu fhaladza.Ene muila mutshila wa mbudzi.Ane mbudzi i …
Ndi Ratshivhombela, Tshivhombela nngwe thavhani,Ndau ndi fara nga mutshila wa ha-Tshivhase,Miḓi ya vhathu wawe wa sala wa ima,Ndi masingo, Singo muila-mutshila wa mbuzi,Ndaa!
Bele ḽa mambo nṱangi wa kugara,Goko musika vhathu, Dzata wo bva nga dza Mapfene,U kungulusa tombo ndi u ḽi isa vhudzuloni,Tshifhinga tsha Dzata tsho ḓi sendeka ngauri tambani nga u kona vhatshana,Lwanga lutsinga ndi a ḓiakhela,Vhe ndi Singo ḽa masingo,Kha muṋe wawe ene Thohoyandou o mbo swa ḽa bele vhunga o vha a tshi dzulela …